உலகம் இடையறாமல் நடைபெறுவதற்கு அடிப்படையானது தாய்மையுணர்ச்சி. இது எல்லா உயிர்களுக்கும் இயற்கையுணர்ச்சியாக அமைந்துள்ளது; மக்களுக்கு இயற்கையுணர்ச்சியாக இருப்பதோடு, சூழ்நிலைகளால் வளர்ந்த செயற்கைப் பண்பாடாகவும் அமைந்துள்ளது. ஆகையால், இதை வெல்வது அரிது. தாய்மையுணர்ச்சியை மக்கள் வெல்லும் நாள் வருவதாயின், மக்களினத்திற்கே அழிவு நெருங்குவதாகும்.

ஆயினும், கல்விச் செருக்கும் ஆடம்பர பெருமையும் இல்லாத ஏழைத் தாய்மாரின் எளிய நெஞ்சத்திலே தாய்மையுணர்ச்சி மிகுதியாக விளங்குகிறது. எதிர்கால உலகமே மற்றவர்களைத் திருத்தக்கூடும். இயற்கையின் ஆற்றலை பொறுத்திருந்து காண்போம்.

வேலைக்காரனின் மனைவி, பைத்தியக்காரி, பிச்சைக்காரி, குழந்தைதிருடி, சமையல்காரி, கொலைக்காரி, குற்றவாளி வேலைக்காரி எனப் பல வேறு நிலைகளில் பலவாறு இகழ்ந்தும் பழித்தும் ஒதுக்கப்பட்டாள் ஒருத்தி. ஆயினும் அவளுடைய தூய நெஞ்சத்தின் தாய்மையுணர்ச்சி ஒதுங்கவில்லை; ஒடுங்கவில்லை; நிறைந்து நின்று அவளுடைய வாழ்வை இயக்கியது. Show more