Reviews for பொண்டாட்டி

பொண்டாட்டிகள் பற்றிய தனித்துவமான புத்தகம்!

இந்த நாவலை படிக்க ஆரம்பிக்கும்போது மிகவும் சந்தேகமாக இருந்தது. உண்மையைச் சொல்ல வேண்டுமென்றால், எதிர்மறையான முன்முடிவுடன் தான் தொடங்கினேன். ஆரம்பத்தில் புத்தகத்துக்குள் நுழைவது கடினமாக இருந்தது. மிக அதிக கதாபாத்திரங்கள் இருந்ததால் பழகிக்கொள்ள நேரம் பிடித்தது. ஆனால் என்ன நடக்கிறது என்று புரிந்த பிறகு படிப்பதை நிறுத்தவே முடியவில்லை.

செக்ஸ் ஒரு தடை செய்யப்பட்ட விஷயம் என்று நினைத்தால் இந்த புத்தகம் உங்களுக்கானது அல்ல. இதில் நிறைய உடலுறவு காட்சிகள் உள்ளன. ஆனால் அதற்கு அப்பால் ஆழமான கதையும் நிறைய உணர்ச்சிகளும் உள்ளன. அதுதான் இந்த புத்தகத்தை சிறப்பானதாக மாற்றுகிறது. இது உங்களை ஒரு உணர்ச்சிப் பயணத்தில் அழைத்துச் செல்லும் என்பது உறுதி.

இந்த புத்தகம் பெண்களைப் பற்றியது. நமது சமூகத்தில் பெண்களின் பாலியல் வாழ்க்கையை ஆராய்கிறது. அந்த கண்ணோட்டத்தில் பார்த்தால் இது ஒரு தனித்துவமான படைப்பு. நிறைய கதாபாத்திரங்கள் உள்ளன, ஒவ்வொன்றும் தனித்துவமானதும் சுவாரசியமானதும்.

உண்மையில் 3.5 நட்சத்திரங்கள். ஆரம்பம் சுவாரசியமாக இருந்தது. பிறகு சலிப்பாக மாறியது. மீண்டும் மீண்டும் ஒரே மாதிரியான கதைகள் போல் தெரிந்தது. சில இடங்களில் சிரிப்பு வந்தது, பிடித்தது. சில நேரங்களில் காமம் பற்றிய எண்ணங்கள் மட்டுமே மனதில் ஓடியது.

முடிவு நன்றாக இருந்தது. மனைவி பற்றிய வேறுபட்ட பார்வை வேண்டும் என்றால் படிக்கலாம். வயது வந்தோருக்கான உள்ளடக்கம் உள்ளது.

என் பெயர் ராமசேஷன் நாவலை படித்து முடித்த பின்பு அதன் தாக்கத்திலிருந்து மீண்டு வர ஒரு இடைவெளி தேவைப்பட்டது. இது போன்ற காலகட்டங்களில் சில நவீன எழுத்தாளர்களை படிக்க நினைப்பேன்.

மிக எளிமையாக வாசிக்க கூடிய எழுத்தாக இருந்தது. நிறைய மாற்று கருத்துக்கள் கொண்ட நூலாக இருந்தும் சுவாரசியத்திற்கு பஞ்சமில்லை. காமம் சற்று தூக்கல் தான் ஆனால் முகம் சுளிக்கும் படியாக இல்லை.

காமத்தை ஒரு கொண்டாட்ட மனநிலையோடு நீங்கள் அணுகுவீர்களா? ஒரு பெண் உச்சம் அடையும் போது தான் புணர்வு பூரணத்துவம் அடைகிறது என்று நம்புகிறீர்களா? கலவியின் போது ஒரு பெண் தன்னை ஒரு ராணியாக உணரவேண்டும் என்றும், தான் ஆட்சி செய்யப்படுகிறோம் என்பதை விட தான் ஒரு ஆணை ஆட்சி செய்கிறோம் என்கிற உணர்வே மேலோங்க வேண்டும் என்று நினைக்கிறீர்களா? இல்லை என்றால் நீங்கள் இந்த வரியிலேயே விலகி விடலாம். இந்த புத்தகம் உங்களுக்கானது இல்லை.

ஆம் என்றால் நேரடியாக கதைக்கே செல்வோம். பிறழ்வை அடிப்படையாக மட்டும் இல்லாமல், காமத்தின் பிறழ்வை மட்டுமே கொண்டு எழுதப்பட்ட நாவல் இது. ஒரு பக்க கதை, அதில் நிறைய காமம், கடைசியில் ஒரு திருப்பம்.

நாவல் முழுவதும் பெண்கள் நிறைய வருகிறார்கள். அவர்களை ஏமாற்றவும் சுரண்டவும் மட்டுமே ஆண்கள் இந்நாவலில் வருகிறார்கள். அவர்கள் குடிப்பதோ, சிகரெட் அடிப்பதோ, குதூகலிப்பதோ, பார்ட்டிக்கு செல்வதோ நெருடலாக இல்லை. ஆனால் தேர்ந்தெடுக்கப்படும் ஆண்கள் எல்லோருமே மோசமாக இருப்பது ஒரு சின்ன நெருடல். பெண்கள் உளவியல் பற்றி பேசியதில் ஒரு சிறிய அளவு கூட ஆண்களின் உளவியல் பற்றி பேசப்படவே இல்லை.

தற்கொலை குறுங்கதைகளை போலவே இந்நாவலிலும் கதாபாத்திரங்களின் பெயர்களில் ஒரு இயல்பு மீறலை நிகழ்த்தியிருப்பார். சாரு நிவேதிதா எழுத்தில் வரும் காமம் தீராத வாதையாகவும் வலியாகவும் வருகிறது. ஆனால் இந்த நாவலின் காமம் இன்பத்துக்குரியது, துய்ப்பதற்குரியது. இந்த நாவல் உங்களுக்கு பிடிக்கலாம், பிடிக்காமலும் போகலாம் ஆனால் அலுப்பூட்டாது!

ஆண் பெண் இருவருக்கும் இடையில் இருக்கும் உறவு சிக்கலை வைத்து எழுதப்பட்ட ஒரு ஜாலியான செக்ஸியான செறிவான மொழி நடை கொண்ட நாவல். தீவிர இலக்கியம் படித்து மண்டை சூடு ஏறிய (18+) வாசகர்கள் வாசிக்கலாம்.