Reviews for சிவப்புப் பணம்

பணமதிப்பிழப்பை பின்புலமாக வைத்து எழுதப்பட்ட நாவல். மூன்று நண்பர்களின் கதாபாத்திரங்கள் நம் கடந்த கால நண்பர் குழுக்களை நினைவூட்டுகின்றன. கடைசி வரை ஒரே மூச்சில் படிக்க வைக்கிறது.

பணமதிப்பிழப்பின் சமூக-பொருளாதார தாக்கங்களும் அதன் பின்னணி நோக்கங்களும் கதையோடு நன்றாகப் பின்னப்பட்டுள்ளன. பணத்தை இழந்து போராடிய அந்த வயதான பெண்ணின் பகுதி கண்ணீரை வரவழைக்கிறது. மதுரை சார்ந்த விவரணைகள் அருமை.

கருப்புப் பணத்தை ஒழிக்க அரசாங்கம் எடுத்த நடவடிக்கைகளைப் பின்புலமாக வைத்து எழுதப்பட்ட கதை. படித்தேன், ரசித்தேன். ஒரு சில மிகைகள் உண்டு என்றாலும் கற்பனை மோசமில்லை!

மூன்று நண்பர்களில் ஒருவர் வேட்டை நாயையும் வசப்படுத்தும் திறன் பெற்றது, அன்புக்கு உலகளாவிய தன்மை உண்டு என்பதைக் காட்டுகிறது. கதையின் மையக் கருத்துக்கு வெளியே நடக்கும் சம்பவங்களை அழகாகக் கோர்த்து உண்மைகளைத் தெளிய வைத்துள்ள விதம் பாராட்டத்தக்கது.

சம கால அரசியல் கேலிக்கூத்தை ஆவணமாக்கிய சிவப்புப் பணத்திற்கு நன்றி. நாட்டை நாசமாக்கிய பண மதிப்பிழப்பைப் பற்றி கூடுதல் தகவல்களையும் வலியையும் விளைவுகளையும் சேர்த்திருந்தால் ஒரு வரலாற்றுப் புதினமாக மாறியிருக்கும்.

இத்தனை வருடம் பாடுபட்டு சுய மரியாதையோடு சேர்த்த பணம் ஒரு நிமிடத்தில் போனதின் ஆற்றாமை, ஒத்துவராத தொழிலதிபர்கள் வீட்டுக்கு வருமான வரித்துறையை அனுப்பி நலம் விசாரிப்பது, பொம்மலாட்ட ஆட்சி என்று சில கூர்மையான வரிகள் மனதில் நிற்கின்றன.

வேகமான எழுத்து நடை, நல்ல ஓட்டம், ஒரே மூச்சில் படித்து முடிக்கலாம். சமகால பிரச்சனையை புனைவாக நன்றாக வடித்திருக்கிறார்.

படிக்க வேண்டிய நல்ல நாவல். பணமதிப்பிழப்பால் சாமானிய மக்கள் பட்ட துன்பங்களை இன்னும் விரிவாக எழுதியிருக்கலாம் என்று தோன்றுகிறது, ஆனால் அதை லேசாகத் தொட்டுச் சென்றிருக்கிறார். நல்ல முயற்சி.

பணமதிப்பிழப்பை பின்புலமாக வைத்து எழுதப்பட்ட அரசியல் த்ரில்லர். தமிழில் ஒரு சிறந்த புனைவுப் படைப்பு.

மூன்று ஏழை இளைஞர்கள் தங்கள் வாழ்க்கையை மேம்படுத்திக் கொள்ள ஒரு ஆபத்தான வாய்ப்பைப் பயன்படுத்த முயற்சிக்கும் சுவாரசியமான கதை. அரசியல் முதலாளிகள், பணக்கார முதலைகள், ஏழை மக்கள் என்ற முக்கோணத்தில் ஒரு கிளாசிக் த்ரில்லராக வடிவமைக்கப்பட்டுள்ளது.

இறுதியில் அவர்கள் வெற்றி பெற்று, ஒரு பெரிய பண்ணையின் உரிமையாளர்களாக மாறும் அடுத்த ஆட்டத்திற்குத் தயாராகிறார்கள். எழுத்து நடையும் வேகமும் விரைவாகப் படிக்க உதவுகின்றன. மிகவும் மதிப்புமிக்க நாவல்.

மிகச் சிறப்பான, பரபரப்பான த்ரில்லர்! மதுரையைச் சுற்றிய வாழ்க்கையை ஒரு வித்தியாசமான கோணத்தில் சித்தரிக்கிறது. நாவலில் குறிப்பிடப்பட்டுள்ள காட்சிகளும் விவரங்களும் அற்புதமானவை. எழுத்தாளரின் நடை, நாவலை ஒரே மூச்சில் படிக்க வைக்கிறது.

நுண்ணிய உணர்வுகளும் பரபரப்பும் கலந்த அருமையான படைப்பு! மதுரையில் வாழ்பவர்களுக்கும், மதுரையின் சுவையை அறிய விரும்புபவர்களுக்கும், அரசியல் த்ரில்லர் ரசிகர்களுக்கும் கட்டாயம் படிக்க வேண்டிய நாவல்!