இந்தக் கதையைவிட தாய விளையாட்டைப் பற்றி எழுதியிருந்தது மிகவும் பிடித்திருந்தது. "காலம் எப்போதும் நம் பயணத்துக்கு எதிர் திசையில்தான் சுழலும்" — மிக ஆழமான வார்த்தைகள்.

தமிழ்நாட்டின் நிகழ்கால சம்பவங்களை வைத்து எழுதப்பட்ட விறுவிறுப்பான நாவல். ஆரம்பத்தில் வருணை காவலர் கும்பல் துரத்துவது சமீபத்தில் பார்த்த மாதிரி இருக்கிறது என்று நினைத்தால், அடுத்தடுத்த சம்பவங்கள் இக்கதை தான் சில மாற்றங்களுடன் நோட்டா திரைப்படமாக வந்தது என்று தெளிவாகச் சொல்கிறது.

தமிழ் எண்ணுருவுக்கும், தாயம் பற்றிய குறிப்புகளுக்கும், பல வருடங்கள் கழித்து மீண்டும் தாயம் விளையாடத் தூண்டியமைக்கும் கதாசிரியருக்கு நன்றி.

மிகவும் சுவாரஸ்யமான புத்தகம். இதைப் படித்த பிறகு முழு அரசியல் வலைப்பின்னலையும் புரிந்துகொள்ள முடிகிறது. செய்தித்தாளில் செய்தியாகப் படிப்பதைவிட, கதை வடிவில் படிக்கும்போது புரிதல் மிகவும் ஆழமாக இருக்கிறது.

வாழ்வும் சாவும் விளையாடும் களம். மிகவும் ஈர்க்கும், ரசிக்கத்தக்க வாசிப்பு அனுபவம்.

அரசியல், நிழல் உலகம், கள்ளப்பணம் ஆகியவற்றை மிகவும் புதுமையாகவும் திறமையாகவும் இணைத்து எழுத்தாளர் விறுவிறுப்பான த்ரில்லர் நாவலாக வடிவமைத்துள்ளார். பல நிஜ வாழ்க்கை நிகழ்வுகளின் அடிப்படையில் எழுதப்பட்ட சுவாரஸ்யமான புனைகதை.

மிகத் தெளிவான நடை, கதாபாத்திரங்களின் ஆரம்பம் முதல் முடிவு வரை தெளிவான கதையமைப்பு. உண்மையான சம்பவங்களைக் கதையுடன் தொடர்புபடுத்தும் எழுத்தாளரின் முயற்சி அபாரம். புத்திசாலித்தனமான வியூகம். இந்தப் புத்தகம் ஒரு வரலாற்று ஆவணம். உங்களை அரசியலில் ஈடுபடவைக்கும்.

ஒவ்வொரு அத்தியாயமும் தொடங்கும் முன் தாய விளையாட்டை அறிமுகப்படுத்தி, போர் வாழ்க்கையின் தந்திரங்களை விளக்கும். தமிழ்நாட்டில் பிறந்து சமகால அரசியலைக் கவனிக்கும் ஒவ்வொருவரும் படிக்க வேண்டிய கதை. படித்தால் நீங்களும் பல தந்திரங்களைக் கற்றுக்கொள்ளலாம்.