அம்பேத்கர்: கல்விச் சிந்தனைகள்

அண்ணல் அம்பேத்கரை இந்திய அரசிலமைப்பு சட்டத்தை உருவாக்கிய சட்ட மேதையாகவும், தாழ்த்தப்பட்ட மக்களின் உரிமைகளுக்காக பாடுபட்ட தலைவராகவும் மட்டுமே பார்க்கிறோம். ஆனால் அவருக்கு பல்வேறு பரிணாமங்கள் உள்ளது. அதில் ஒன்று தான் அறிஞர் அம்பேத்கர். கொலம்பியா பல்கலழைக்கழகத்தில் தினமும் 18 மணிநேரம் பயின்று, 2000 புத்தகங்கள் படித்து, நூலகத்தில் காலை இரவு என்றெல்லாம் பார்க்காமல் படித்து டாக்டர் பட்டம் வாங்கிய "அறிஞர் அம்பேத்கர்" என்ற பரிணாமம் சக்திவாய்ந்தது. அவர் படிப்பு கல்விக்கூடங்களோடு மற்றும் நிற்கவில்லை. தான் மட்டும் கல்வி பெற்றால் போதாது, ஒடுக்கப்பட்ட மக்கள் அனைவருக்கும் கிடைக்கவேண்டும் என்ற நோக்கத்தோடு கல்வி நிலையங்களை உருவாக்க பாடுபட்டவர். இந்த புத்தகத்தை 3 பாகங்களாக பிரிக்கலாம். 1. தாழ்த்தப்பட்ட மக்களின் கல்வி பிரச்சனைகள் என்னென்ன? 2. தீண்டப்படாதவர்கள் கல்விக்காக பிரிட்டிஷ் ஆட்சியாளர்கள் செய்தது என்ன? 3. பல்கலைக்கழகங்களில் சீர்திருத்தம் செய்வதை பற்றி அண்ணல் அம்பேத்கரின் பார்வை என்ன? இந்தியாவில் கல்வியின் நிலையை மதிப்பிடுவதற்கும், சிக்கல்களைக் கண்டறிவதற்கும், மேம்பாடுகளைப் பரிந்துரைப்பதற்கும் நிறுவப்பட்ட ஹண்டர் கமிஷன் பற்றியும், பிரிட்டிஷ் இந்தியா காலத்தில் கல்வி நிறுவனங்களும், தாழ்த்தப்பட்ட மக்களின் கல்வி நிலைமைகளும், கல்வியில் பிராமணர்களின் ஆதிக்கமும் பற்றிய தகவல்கள் நிரம்பியுள்ளன.