நல்ல புத்தகம். எளிமையான நடையில் மனதை தொடும் கதை.

ஒரே வார்த்தையில் சொல்ல வேண்டுமென்றால் - கவிதை போன்ற நாவல்.

சமீபகாலமாக நான் படித்த சிறந்த புத்தகங்களில் ஒன்று. வழக்கமான நடுத்தர குடும்ப கதை என்றாலும், கதாபாத்திரங்களும் அவர்களின் உளவியல் சிக்கல்களும் மிக அழகாக எழுதப்பட்டிருக்கின்றன. அவர்களை நம்மால் உணர முடிகிறது. கவிதை போல அழகாக எழுதப்பட்ட நாவல். கண்டிப்பாக படியுங்கள்.

கதை எங்கடா? என்னடா கதை? இது நாவலல்ல, சிறுகதை மட்டுமே. இப்போதுதான் ஆரம்பித்தது போல இருந்தது சட்டென முடிந்து போனது. இதை எப்படி இலக்கியம் என அறிவித்து துணைப் பாடமாக்கினார்கள் என்றுதான் தெரியவில்லை.

உயர உயர பறந்தாலும் நீ மண்ணுக்குத்தான் வந்தாகணும், என்னதான் இளவயதில் ஜாலியாக சுற்றியிருந்தாலும் வாழ்க்கைச் சிக்கலில் சிக்கி சின்னாபின்னமாகத்தான் ஆகவேண்டும் என்பதெல்லாம் ஒரு கதை நீதியா? நம்முடைய சில ஆசைகள் வாழ்வில் நிறைவேறுவதில்லை என்பது உண்மைதான். அதுபோல வாழ்வின் இயற்கையை எதற்கு ஒரு சீரமைக்கவியலாத சுமையாக கருதும்படி ஒரு கதை எழுத வேணும்?

இந்துமதியின் சிறந்த புத்தகம் இது. மனதை தொடும் கதையாக எழுதப்பட்டிருக்கிறது. கண்டிப்பாக படிக்க வேண்டிய நாவல்.

எழுத்தாளர் இந்துமதி அவர்கள் எழுதிய இந்த நாவலை எனக்கு படிக்க பரிந்துரைத்தது என் அம்மா.

எந்த ஆடம்பரமும் இல்லாத ஒரு நடுத்தர குடும்பத்தில் இருக்கும் ஒரு இளைஞன் என்னவெல்லாம் கனவுகளோடு இருப்பான் என்றும், கனவுகளை களைத்துக்கொண்டு குடும்பப் பொறுப்புகளை ஏற்றுக்கொள்ளும் எதார்த்தத்தை அழகாக கதையாக்கி இருக்கிறார்.