Reviews for ஒரு நடுப்பகல் மரணம்

சுஜாதாவின் சிறப்பான த்ரில்லர் நாவல். தேனிலவுப் பயணத்தில் நடக்கும் கொலை என்ற எளிய கருவை அற்புதமாக விரிவுபடுத்தியிருக்கிறார். குற்றம் விசாரிக்கப்படும் விதம் மிகவும் சுவாரஸ்யமாக இருக்கிறது — இன்ஸ்பெக்டர் மாதவராவாக நாமே மாறி, தடயம் தடயமாகப் பின்தொடர்கிறோம்.

ஒவ்வொரு சந்தேக நபரையும் ஆதாரங்களின் சட்டகத்தில் பொருத்தி, அழகாக மாற்றி அமைக்கும் சுஜாதாவின் கைவண்ணம் அபாரம். குற்றவாளி கண்டுபிடிக்கப்பட்டுவிட்டது என்று நினைக்கும் தருணத்தில் வரும் மாஸ்டர் ஸ்ட்ரோக் அசத்தல். சுஜாதா தொகுப்பில் கட்டாயம் படிக்க வேண்டிய த்ரில்லர்.

தேனிலவுக்குச் செல்லும் தம்பதியில் கணவன் கொலை செய்யப்படுகிறான். கொலை என்றவுடன் கணேஷ், வசந்த்தை எதிர்பார்த்தேன். ஆனால் இன்ஸ்பெக்டர் மாதவராவ் தோன்றி ஏமாற்றம் அளிக்கிறார். பல கோணங்களில் விசாரணை நடத்தி குற்றவாளியை ஊர்ஜிதம் செய்கிறார். விசாரணையின் போதே ஏதோ ஒரு ட்விஸ்ட் இருக்கிறது என்று ஊகிக்க முடிவதுதான் இந்தப் புத்தகத்தின் மிகப்பெரிய மைனஸ்.

ராஜேஷ்குமார் நாவலா என்ற சந்தேகம் அவ்வப்போது வருவதைத் தவிர்க்க முடியவில்லை.