Reviews for ஒரு நடுப்பகல் மரணம்

சுஜாதாவின் இந்நாவல் வாசகரை இருக்கை நுனியில் அமரவைக்கும் த்ரில்லர். எதிர்பாராத திருப்பங்களும், நுட்பமான துப்பறியும் பாணியும், நகரின் பரபரப்பான பின்னணியும் இக்கதையின் பலம்.

ஒரு மர்ம முடிச்சைக் கச்சிதமாக அவிழ்க்கும் சுஜாதாவின் கைவண்ணம் இதில் முழுமையாகத் தெரிகிறது. ஒரே மூச்சில் படித்து முடிக்கத் தூண்டும் நூல்!

ஆரம்பித்த சில பக்கங்களிலேயே நடக்கிறது அந்தக் கொலை. நடுப்பகலில் ஒரு கொலை. நான்கைந்து சந்தேக நபர்களைச் சுற்றியே கதை நகர்கிறது. இவன்தான் கொலையாளி என்று நாம் ஒரு முடிவுக்கு வரும்போது, கடைசி இரண்டு அத்தியாயங்களில் எல்லாமே தலைகீழாகிறது.

மாதவராவ், உமா, ராகேஷ் என்றும் மறக்க முடியாத பாத்திரங்கள். கணேஷ்-வசந்த் இல்லாத த்ரில்லர் கதை!

கடைசியில் மனதைத் திருப்பிப்போடும் ட்விஸ்டுடன் கூடிய சிறந்த த்ரில்லர்! வேகமான கதை, கடைசிப் பக்கம் வரை ஆர்வத்தைத் தக்கவைக்கிறது. நான்கு சந்தேக நபர்களைச் சுற்றியே கதை நகர்கிறது.

உமா ஒரு சுவாரஸ்யமான கதாபாத்திரம் — கணவனின் மரணத்துக்குப் பின்னால் உள்ள மர்மத்தைக் கண்டுபிடிக்கத் தொடர்ந்து முயற்சிக்கிறாள். சுஜாதாவின் குற்றவியல்/த்ரில்லர் வகையிலான சிறந்த படைப்புகளில் ஒன்று.

சுஜாதா தனது வழக்கமான அறிவியல் புனைகதை, ஃபேண்டசி வகையிலிருந்து மாறி எழுதிய அற்புதமான த்ரில்லர். இது உண்மையிலேயே அவரது எழுத்துதானா என்று வியக்கும் அளவுக்கு வித்தியாசமானது.

பெங்களூர் ஹோட்டலில் மூர்த்தியின் கொலையை விசாரிக்கும் இன்ஸ்பெக்டர் மாதவராவாக நாமே மாறிவிடுகிறோம். ஒரு சந்தேக நபரைக் கண்டுபிடித்த பிறகு வரும் ட்விஸ்ட் முற்றிலும் எதிர்பாராதது. ரொமான்டிக் காட்சிகளுடன் தொடங்கும் நாவல் அபாரமான பரபரப்புடன் முடிகிறது.

திருமணமான இரண்டாவது நாள், தேனிலவில், கணவன் கொல்லப்படுகிறான். மூர்த்தி மீது அவ்வளவு வெறுப்பு எவருக்கு இருக்கக்கூடும்? முறை மாப்பிள்ளை மணிக்கா? நிராகரிக்கப்பட்ட திவ்யாவுக்கா? அல்லது வேறு ஒருவருக்கா?

இந்தக் கொலையை விசாரணை செய்வது கணேஷ்-வசந்த் அல்ல — இன்ஸ்பெக்டர் மாதவராவ். சுஜாதா விசாரணையில் குறை ஒன்றும் வைக்கவில்லை. திருப்பங்கள் நிறைந்த இந்நாவலின் முடிவை நீங்களே படித்துத் தெரிந்துகொள்ளுங்கள்.

உமா, மூர்த்தி என்ற புதுமணத் தம்பதிகள் தேனிலவுக்காக பெங்களூர் செல்கிறார்கள். அங்கே கணவன் நடுப்பகலில் கொலை செய்யப்படுகிறான். மூர்த்தி மீது அவ்வளவு வெறுப்பு யாருக்கு இருக்கும்? ஏன்? எதற்காக? போலீசுடன் சேர்ந்து மனைவியும் விசாரிக்கிறாள்.

இன்ஸ்பெக்டர் மாதவராஜ் பல கோணங்களில் விசாரணை நடத்தி, இறுதியில் விறுவிறுப்பான கதை எதிர்பாராத திருப்பங்களுடன் முடிகிறது. சுஜாதா நாவல் என்றாலே சிறு கோளாறு இருக்கும் — இங்கேயும் கதையின் இறுதித் திருப்பத்தை யூகிக்க முடிந்தது சிறு ஏமாற்றம்.

கதையின் போக்கு மிகவும் அழகாகவும் பரபரப்பாகவும் இருக்கிறது. சுஜாதாவின் கதை சொல்லும் பாணி இந்நாவலில் உச்சத்தில் இருக்கிறது. இரண்டாம் பகுதி அற்புதம் — சுஜாதாவுக்கு சலாம்!

சுஜாதாவின் நல்ல த்ரில்லர் நாவல். கதை சொல்லும் விதம் மிகவும் பிடித்தது. ஆரம்பத்தில் நான்கைந்து சந்தேக நபர்கள் இருக்கிறார்கள், பின்னர் போலீஸ் ராகேஷுக்கு எதிராக நிறைய ஆதாரங்களைக் கண்டுபிடிக்கிறது — ஆனால் திடீர் ட்விஸ்டுடன் முடிகிறது. பெரிய லாஜிக்கல் பிழைகள் இல்லை என்றாலும், நிஜத்தில் இப்படி நடக்குமா என்ற சந்தேகம் எழுகிறது.

முதல் மூன்று அத்தியாயங்கள் கல்யாணக் கலாட்டா, கூட்டுக் குடும்பம், கிரிக்கெட் காமென்ட்ரி கேட்பது என்று சுகமான சம்பாஷணைகளுடன் பயணிக்கிறது. பட்டு வேட்டி, மோதிரத்தோடு மாப்பிள்ளை புது மனைவியைச் சுற்றிக்கொண்டே...

இப்படி சுவாரஸ்யமாகப் பயணித்த கதை, நான்காம் அத்தியாயத்தின் இறுதி வாக்கியத்திலிருந்து கடைசிப் பக்கம் வரை வாசகர்களைக் கட்டிப்போடுகிறது. இறுதியில் எல்லா பாத்திரங்களையும் உட்கார வைத்துக்கொண்டு குற்றவாளி யார் என்பதை நிரூபிக்கும் காட்சி டாப் கிளாஸ்! ஆங்கிலத்தில் அகதா கிறிஸ்டி என்றால், தமிழில் சுஜாதா!

எதிர்பார்த்த மரணம். எதிர்பாராத திருப்பங்கள். கடைசிக் கட்டத்தில் சிறு அவசரம்.

நடுப்பகலில் தேனிலவுக்கு வந்த கணவன் கொலை. கொலையாளியைக் கண்டுபிடிக்கத் துடிக்கும் மனைவி. பலபேர் மீது சந்தேகங்கள். பல தடயங்கள். போலீஸ் அதிகாரியின் துரித விசாரணை. எல்லா ஆதாரங்களும் ஓர் புள்ளி நோக்கிப் போக, அது காற்புள்ளியாகிறது. பின்னர் அது புள்ளி அல்ல, காற்புள்ளி அல்ல, ஆய்தம் என்று தெரிகிறது.