Reviews for ஹிப்பி

கதை நாயகன் ஹிப்பிகளுடன் இணைந்து பயணம் செய்யும்போது நானும் அந்த பயணத்தில் மூழ்கினேன். காமம் பற்றிய இனிமையான அனுபவத்தை தந்த ஆசிரியருக்குப் பாராட்டுகள். எளிய உரைநடை. மூன்று நாட்களில் படித்த புத்தகம்.

இந்த உலகின் சமூக அழுத்தங்களுக்கும் பொறுப்புகளுக்கும் மத்தியில் இருந்து வளர்ந்த தனி மனிதன். இவை அனைத்தையும் துறந்து பொது சமூக கட்டுப்பாடுகளின்றி மனம் சொல்வதை மட்டும் கேட்டு அதன்படி வாழ்க்கை வாழ்ந்து கொண்டிருக்கும் ஹிப்பிகளின் மத்தியில், அந்த ஒருவன் பயணிக்கப்பட்டால் அவனுடைய உணர்வுகளும் செயல்களும் மனநிலையும் எவ்வாறு மாற்றம் கொள்ளும் என்பதே இந்த ஹிப்பி.

ஹிப்பிகளின் உலகத்தை அறிமுகம் செய்த அய்யனார் விஸ்வநாத்துக்கு நன்றி.

அற்புதமான புத்தகம், இலக்கியம் என்றே சொல்லலாம். தொடக்கம் முதல் முடிவு வரை மிகவும் ரசித்தேன். கதையின் ஆழமும் எழுத்து நடையின் நேர்த்தியும் இதை ஒரு சிறப்பான படைப்பாக மாற்றுகிறது.

ஒரு ஹிப்பியாக வாழத் தோன்றுகிறது! இயற்கையோடு இணைந்த சுதந்திரமான வாழ்க்கையின் சுவாரஸ்யத்தை இந்த நாவல் அழகாகச் சொல்கிறது. படித்து முடிக்கும்போது மனதில் ஒரு புதிய ஏக்கம் எழுகிறது.

மிகவும் சுவாரஸ்யமான நாவல். இந்நாவலின் முடிவு எது உண்மை என்பதை எனக்கு உணர்த்தியது. கதையின் திருப்பங்கள் யோசிக்க வைக்கின்றன.

நல்ல புத்தகம். ஆசிரியரின் எழுத்து நடை மிகவும் ரசிக்கத்தக்கதாக இருந்தது. எளிமையான ஆனால் ஆழமான கதை சொல்லல் முறை புத்தகத்தை ஒரே மூச்சில் படிக்க வைத்தது.

அருமையான எழுத்து நடை. சில நேரங்களில் தவறான முடிவுகள் குறித்து நாம் கவலைப்படுகிறோம். ஆனால் நம்மைச் சுற்றியிருப்பவர்கள் விலகும்போது, நம்மை நாமே புரிந்துகொள்ள கிடைக்கும் சிறந்த நேரம் அது. எந்தச் சூழ்நிலையாக இருந்தாலும், வாழ்க்கை எப்போதும் வேறுபட்ட திருப்பங்களைக் கொண்டிருக்கும்.

இரு வேறு மனிதர்களின் வாழ்க்கையும் பல அனுபவங்களை சந்தித்து பின் தெளிவடைந்து ஒன்று சேர்கிறது.

ஹிப்பி எனும் சொல்லும் நடைமுறைகளும் படிப்பவர்களுக்கு புதிதாக இருக்கும். ஆயினும் ஒரு சாதாரண மனிதன் தன் வாழ்க்கையில் சந்திக்கும் காதல், காமம், இழப்பு, துறப்பு என அனைத்தையும் கூறி ஹிப்பியுடன் சில நேரம் கரைய வைக்கிறது.

வாழ்க்கை ஒருவனை துரத்திக்கொண்டே இருக்கிறது. ஓடிக்கொண்டே இருந்த அவனுக்கு அனைத்து வகையான இன்பமும் ஒரு சேர கிடைக்கப் பெற்று, திடீரென ஒரு நாள் புடுங்கப்படுகிறது.

வாழ்வில் முக்கியமானவர்கள் இறப்பிற்குப் பின்னர் தான் வாழ்வதற்கு ஒரு காரணமும் இல்லை என்று கருதுபவனின் கதை. இரண்டு தனிக் கதைகளை கடைசியில் ஒன்று சேர்த்து முடித்தது அற்புதம். மிகவும் மாறுபட்ட கதை. ஹிப்பி போல் வாழ்ந்த ஒரு அனுபவத்தை நிச்சயம் பெறுவீர்கள்.

இந்த வருடத்தின் முதல் நாவல். ஓரே மூச்சில் படித்து முடித்துவிடும்படியான ஒரு எழுத்து நடை. கதையும் கதைக்களமும் இதுவரை தமிழ் இலக்கியங்களில் இல்லாத அளவு புதிதான ஒன்று.

ஹிப்பி என்பது அமெரிக்காவில் 1960களில் தோற்றம் கண்ட ஓர் எதிர்ப் பண்பாட்டு வாழ்வுமுறை. விடுதலை மனப்பாங்குடன், மைய அதிகார பண்பாட்டுப் போக்குகளுக்கு எதிரான நிலைப்பாடுகளுடன் அமைந்தது. தலைமயிரை நீளமாக வளர்த்தல், போதைப் பொருட்களை நுகர்தல், நாடோடி வாழ்க்கை வாழ்தல் போன்றவை ஹிப்பிகளின் குறிப்பிடத்தக்க போக்குகள்.

கதையில் இந்த ஹிப்பி குழுக்களுடன் கதையின் நாயகன் எப்படிப் போய் சேர்கிறான், அவர்களுடன் எப்படிப்பட்ட புரிதலை உள்வாங்குகிறான் என்பதெல்லாம் மிகவும் சுவாரஸ்யமாகவும், நம் இருப்பைப் பற்றி புரிந்து கொள்ளும் வகையிலும் அமைக்கப்பட்டிருப்பது பிரமிக்கத் தக்கது. கதை இரு வேறு கதைகளாக தொடர்ந்து ஒன்றில் முடிகிறது. அலமேலு, கன்னியம்மா, மாரியம்மா, ஜோன், மெக் போன்ற கதாபாத்திரங்களுடன் நாமும் பிணைந்திருப்போம் வாசிக்கையில். முக்கியமாக ஆசிரியர் நாவலில் தொட்ட இசைக் குறிப்புகள், வர்ணனைகள் நாவலை அடுத்த கட்டத்திற்கு அழைத்துச் செல்கின்றன. நிச்சயமாக அனைவரும் வாசிக்க வேண்டிய ஒரு நாவல்.