Reviews for சிம்ம சொப்பனம்: பிடல் காஸ்ட்ரோவின் வாழ்க்கை

இந்தியா துரோகம் செய்யாதிருந்தால் தமிழீழமும் மலர்ந்திருக்கும். புரட்சியும் அதன் விளைவுகளும் அசாதாரணமானவை. இன்னும் கொஞ்சம் ஆழமாக விரிவாக எழுதியிருக்கலாமோ என்று தோன்றியது. சில இடங்களில் சரியான வார்த்தைகளைப் பயன்படுத்தாததால் வேறு அர்த்தம் தரும் வாக்கியங்கள் இருக்கின்றன.

சுவாரசியமான ஒரு தலைவரின் நல்ல சித்திரம். பிடல் காஸ்ட்ரோவைப் பற்றி மேலும் அறிய ஆர்வத்தைத் தூண்டுகிறது. ஆனால் தெளிவான கால வரிசை இல்லாதது இந்தப் புத்தகத்தின் பெரிய குறைபாடு — நிகழ்வுகள் எந்த ஆண்டில் நடக்கின்றன என்பதைப் புரிந்துகொள்வது கடினம். மேலும் சே குவேராவைப் பற்றிய விரிவான எழுத்து, அவரது சாகசங்களைப் படிக்க அற்புதமாக இருந்தாலும், பக்கங்களை நிரப்புவதற்காக சேர்க்கப்பட்டது போல் தோன்றியது.

புரட்சி என்ற சொல்லை நினைத்தாலே நமக்கு பிடல் காஸ்ட்ரோவும் சேகுவேராவும்தான் முதலில் நினைவிற்கு வருவார்கள். பிடல் காஸ்ட்ரோ மட்டும் இல்லை என்றால் உலகின் சர்க்கரைக் கிண்ணம் என அழைக்கப்பட்ட கியூபாவை அமெரிக்கா தனது காலனி ஆதிக்க நாடாகவே வைத்திருக்கும். கியூபா என்ற தேசம் அனைவருக்கும் தெரிந்திருப்பதற்குக் காரணம் பிடல் காஸ்ட்ரோதான்.

வலிமையான உடல் வாகு, இரும்பு போன்ற தேகம், 6 அடி 2 அங்குல உயரம், முரட்டுத்தனமான தாடி மீசை எனக் கம்பீரமான தோற்றத்தை உடையவர் பிடல் காஸ்ட்ரோ.

கியூபா முதலில் கொலம்பஸின் கனவு பிரதேசமாக இருந்தது. சிறிதுகாலம் ஸ்பெயினின் காலனி ஆதிக்க நாடாக இருந்தது. ஸ்பெயினிடம் தப்பித்து அமெரிக்காவிடம் மாட்டிக்கொண்டது. இயற்கை கனிமங்கள், கடற்கரைகள், வளமான பூமி — புவியியல் ரீதியாக வட அமெரிக்காவையும் தென் அமெரிக்காவையும் இணைக்கும் பாலமாக கியூபா உள்ளது.

அமெரிக்க நிறுவனமான யுனைடெட் ஃப்ரூட் கியூபாவில் ஆட்சி அதிகாரத்தை ஏற்படுத்தியது. இதனை எதிர்த்துக் குரல் கொடுத்தவர் பிடல் காஸ்ட்ரோ. கிழக்கிந்திய நாடுகளில் ஒன்றான கியூபாவில் கம்யூனிசத்தின் விதையை விதைத்து, மக்களின் ஆதரவோடு பல ஆண்டுகளாக ஆட்சி புரிந்தார். பிடல் காஸ்ட்ரோவை ஒதுக்கிவைத்துவிட்டு கியூபாவின் வரலாற்றைப் புரிந்துகொள்ள இயலாது. இந்நூல் அவரையும் கியூபாவையும் அறிந்துகொள்ள விரும்புவோருக்கு நிச்சயம் உதவும்.

நல்ல புத்தகம். பிடல் காஸ்ட்ரோவின் வாழ்க்கையை எளிமையாகப் புரிந்துகொள்ள உதவுகிறது.

இந்தப் புத்தகத்தைப் படித்த பிறகு பிடல் காஸ்ட்ரோவின் மீது பெரும் மரியாதை ஏற்பட்டது. அமெரிக்காவின் உண்மையான முகத்தையும் நாம் அறிந்துகொள்ளலாம். மருதனின் எழுத்துநடை அருமை — சலிக்காமல் படிக்க வைக்கிறார். அனைவரும் படிக்க வேண்டிய புத்தகம்.

பிடல் காஸ்ட்ரோவைப் பற்றி மிகவும் விறுவிறுப்பாகவும் சுருக்கமாகவும் எழுதப்பட்டிருக்கும் ஒரு புத்தகம். பல புத்தகக் கண்காட்சிகளில் பார்த்திருந்தாலும் வாங்கி வாசிக்க மனம் இருந்ததில்லை. இந்து தமிழ் திசை நாளிதழில் எழுத்தாளர் மருதனின் கட்டுரைகள் பலவற்றை வாசித்த பிறகுதான் இந்தப் புத்தகம் கவனம் ஈர்த்தது. ஒரு மகத்தான போராளியின் வாழ்க்கையைச் சிறப்பாகப் பதிவு செய்திருக்கிறார்.