Reviews for வாசிப்பது எப்படி?

வாசிப்புப் பழக்கத்தை உருவாக்க விரும்பும் தொடக்கநிலை வாசகர்களுக்கு மிகவும் ஏற்ற நூல். வாசிப்பில் ஏற்பட்ட தேக்கத்திலிருந்து மீண்டு, மீண்டும் அதன் மகிழ்ச்சியை உணர உதவுகிறது.

இன்றைய இளம் தலைமுறையை நோக்கி எழுதப்பட்டுள்ள இந்த நூலில் நல்ல கருத்துகள் உள்ளன. அதே நேரத்தில், பல இடங்களில் போகிற போக்கில் அடித்துவிடுவது போலவும் தோன்றுகிறது. நூலிலேயே பேசப்படும் இந்தப் போக்கு அதற்குள்ளும் இருப்பது முரண். வாசிக்காமல் எதைத் தவறவிடுகிறோம் என்பதை அறிய இளைஞர்கள் படிக்கலாம்.

வாசிப்புப் பழக்கத்தையும் அதன் பல்வேறு பயன்களையும் எடுத்துரைக்கும் நல்ல நூல். தொடர்ந்து வாசிப்பவர்களுக்கும் எத்தகைய புத்தகங்களைப் படிக்க வேண்டும் என்பதில் கவனம் செலுத்த உதவுகிறது.

புதிய புரிதலைத் தரும் நூல். மற்றவர்களிடையே தனித்துவமாக விளங்கி வெற்றி பெறத் தேவையான திறன்களையும் அறிவையும் அறிந்துகொள்ள மாணவர்களுக்கு இதைப் பரிந்துரைக்கலாம்.

வாசிக்கத் தூண்ட வேண்டும் என்ற ஆசிரியரின் அக்கறை முன்னுரையிலேயே தெரிகிறது. எப்படி வாசிப்பது என்று இந்த நூல் கற்றுத்தரவில்லை; ஏன் வாசிக்க வேண்டும் என்பதற்கான பதில்களையே தருகிறது. வாசிப்பைத் தொடங்குபவர்கள் அவசியம் படிக்க வேண்டிய புத்தகம்.

ஏன் வாசிக்க வேண்டும் என்பதோடு, எத்தகைய நூல்களைத் தேர்ந்தெடுப்பது, வாசிப்பை நடைமுறைப்படுத்துவது எப்படி என்பதற்கும் வழிகாட்டுகிறது. ஆசிரியர் தனது எண்ணங்களை நன்றாகத் தொகுத்து முன்வைத்திருக்கிறார். அனைவரும் படிக்க வேண்டிய நூல்.

ஏன் வாசிக்க வேண்டும், வாசிக்காமல் இருப்பதால் எவற்றை இழக்கிறோம் என்பதை அழுத்தமாகச் சொல்லும் சிறந்த நூல். வாசிப்பின் தேவையைத் தெளிவாக உணர்த்துகிறது. உறுதியான கருத்துகள் கொண்ட இந்தப் புத்தகத்தை அனைவரும் படிக்கலாம்.

‘எப்படி வாசிப்பது’ என்பதைவிட ‘ஏன் வாசிக்க வேண்டும்’ என்பதையே இந்த நூல் அதிகம் பேசுகிறது. அளவில் சிறியதாக இருந்தாலும், வாசிப்புப் பழக்கத்தின் முக்கியத்துவத்தை உணர்த்தி அதை வளர்த்துக்கொள்ள ஊக்கமளிக்கிறது. புதிதாக வாசிக்கத் தொடங்குபவர்களுக்குப் பரிந்துரைக்கலாம்.

ஏன் வாசிக்க வேண்டும், எதை வாசிப்பது, எப்படித் தொடங்குவது என்பவற்றைப் பல கோணங்களில் எளிதாக விளக்கும் ஊக்க நூல். சுருக்கமான, சிக்கலற்ற எழுத்து நடையால் விரைவாகப் படித்து முடிக்கலாம். வாசிப்பைப் பற்றிய தெளிவான பார்வையைத் தருவதால் சிறுவர்களுக்கும் இளையோருக்கும் பரிந்துரைக்கலாம்.

வாசிப்பை நேரவிரயம் என்று நினைப்பவர்களுக்கு அதன் தேவையை எடுத்துச் சொல்லும் நல்ல நோக்கமுள்ள நூல். வாழ்க்கையில் வாசிப்புப் பழக்கம் ஏன் அவசியம் என்பதை விரிவாக விளக்குகிறது. படிக்க விருப்பமிருந்தும் எங்கிருந்து தொடங்குவது என்று தெரியாதவர்களுக்கு உதவும். நூலில் நடிகர்களை ஆசிரியர் விமர்சித்திருந்தாலும், இதைப் படிக்கக் கமல்ஹாசன் பரிந்துரைத்திருப்பது குறிப்பிடத்தக்கது.