Reviews for வைகை நதி நாகரிகம்

தொல்லியலை இவ்வளவு சுவையாக எழுத முடியுமா என்று வியக்க வைக்கிறார் சு.வெங்கடேசன். வரலாற்றுச் சான்றுகளையும் இலக்கியச் சான்றுகளையும் இணைக்கும் விதம் சிறப்பு. கீழடி பற்றிய பகுதி தொடங்கிய சில பக்கங்களிலேயே அவரது கட்டுரைகள் முடிந்துவிடுவது ஏமாற்றம். இருப்பினும், தொடரும் நேர்காணல்கள் கீழடியின் முக்கியத்துவத்தை உணர்த்துகின்றன. பெருமிதத்தோடு நின்றுவிடாமல் மக்களும் அரசும் விழிப்புடன் இருக்க வேண்டியதையும் நூல் வலியுறுத்துகிறது.

கீழடி ஆய்வுகள் குறித்த விரிவான தகவல்களை எதிர்பார்த்தால் ஏமாற்றமே மிஞ்சுகிறது. ஏற்கெனவே தெரிந்த செய்திகள், சில சங்கப் பாடல்கள், ஆய்வாதாரங்களை விட ஊகங்களைச் சார்ந்த கட்டுரைகளே உள்ளன. வெவ்வேறு இடங்களில் வெளியானவற்றைத் தொகுத்ததில் ஒரே தகவல் திரும்பத் திரும்ப வருகிறது. நாற்பது பக்கங்களுக்குள் சுருக்கியிருக்க வேண்டியதை நூறு பக்கங்களுக்கு மேல் நீட்டி, இருநூறு ரூபாய்க்கு விற்பது நியாயமாகத் தெரியவில்லை.