டைரெக்டருக்கும், நடிகைக்குமான காதல் கதை...

டீசர்

தனாவின் விழிகள் கேரேவனில் இருந்து இறங்கி வந்த அஞ்சனாவில் படிந்தது... "அமேஸிங்" என்றான் தனா... இடுப்பில் கையை வைத்துக் கொண்டு நின்று இருந்த ராம்பிரபுவோ தலையை மட்டும் திருப்பி அவளைப் பார்த்தான்... வெண்ணிற இடை பளிச்சென்று தெரியும் அளவுக்கு லேஹங்கே அணிந்து இருந்தாள்... அவளில் இருந்து விழிகளை அகற்ற முடியாத அளவு, அழகாக தெரிந்தாள்... அவன் விழிகள் அவளில் மொத்தமாக படிந்து அவள் இதழில் நிலைத்தது... தன்னை அறியாமல் தனது கீழ் அதரங்களை கடித்துக் கொண்டவனோ, "ம்ம் ஷாட்டுக்கு போகலாம்" என்று சொல்லிக் கொண்டே கேமெரா மேன் அருகே வந்து நின்று இருக்க, தனாவோ அஞ்சனா அருகே சென்றவன், "லிப்லாக் கிஸ் மேடம்" என்று சொல்ல, தூக்கி வாரிப் போட்டது அவளுக்கு... இதெல்லாம் அவளுக்கு புதிது ஆயிற்றே... "அம்மா" என்று சொல்லிக் கொண்டே விழிகளை சுற்றி தேடினாள்... உடனே அவ்விடம் ஓடி வந்தார் ரேவதி... "லிப்லாக் அம்மா" என்றாள் தழுதழுத்த குரலில்... "அது இப்போ சகஜம் ஆயிடுச்சு தானே" என்றார் ரேவதி... அவளுக்கு கொஞ்சமும் இஷ்டம் இல்லை... அவளது முதல் முத்தம் யார் என்று தெரியாத ஒருவனுடனா? "நான் இன்னும் ப்ரிபெயார் பண்ணலம்மா" என்றாள் ரேவதியை பார்த்து... தனாவோ, "அதெல்லாம் பெரிய மேட்டர் இல்ல மேடம், அங்கே போனா தானே வரும்" என்று சொல்ல, அவளோ, "இல்ல" என்று ஆரம்பிக்க, "அவ வந்திடுவா சார்" என்று அவளை முறைத்துக் கொண்டே, சொன்ன ரேவதியோ அவள் கையை பற்றி தள்ளி அழைத்து வந்தார்... "அம்மா என்னால முடியாது" என்று அஞ்சனா முடிக்க முதலே, "அறைஞ்சேன்னா" என்று அவர் மிரட்ட, தாயை மிரட்சியாக பார்த்தாள்... "இதெல்லாம் ஒரு விஷயம் இல்லடி... எல்லாரும் கிஸ் கொடுத்து நடிக்கிறாங்க தானே... உனக்கென்ன வந்திச்சு..." என்று திட்ட, அவள் கடைசியாக வழக்கம் போல தலையை அசைத்து விட்டு ஸ்பாட்டுக்கு சென்றாள்... ராம்பிரபு அங்கிருந்த டெக்னீஷியன்களுடன் பேசிக் கொண்டு இருந்தாலும் அவன் விழிகள் அவளில் அடிக்கடி படிந்து மீண்டன... அனைத்தையும் கவனித்துக் கொண்டான்... அடுத்து அனைவரும் ஷாட்டுக்கு வந்து விட, "ஆக்ஷன்" என்று கம்பீரமாக ஒலித்தது ராம்பிரபுவின் குரல்... சுற்றி நான்கு புறமும் வெவ்வேறு கோணங்களில் கேமராக்கள் வைக்கப்பட்டு இருந்தன... மீண்டும் மீண்டும் ஒரே சீனை நடிக்க முடியாது என்பதால், வெவ்வேறு கோணங்களில் ஒரே நேரத்தில் பதிவு செய்து விடுவார்கள்... ரிஷிகேஷோ, தனது ஒற்றைக் கையை அஞ்சனாவின் வெற்றிடையில் வைத்துக் கொண்டே, அவளை நெருங்கி நின்றான்... அவளுக்கோ இதயம் வேகமாக துடித்தது... அவனை மிரட்சியாக பார்த்தாள்... "கட்" என்ற சத்தம்... சட்டென விலகி நின்றார்கள்... ராம்பிரபுவோ சலிப்பாக நெற்றியை நீவிக் கொண்டே, "ரொமான்டிக் ஆஹ் பார்க்க சொன்னா, பேயை பார்க்கிற போல பார்க்கிற அஞ்சனா" என்றான்... "சாரி சார்... ஒரே ஒரு டேக் மட்டும்" என்றாள்... "ம்ம்" என்றவனோ, "ரெடி, ஆக்ஷன்" என்று சொல்லி மீண்டும் அவர்களை பார்க்க, மீண்டும் அதே காட்சி... இந்த முறை கஷ்டப்பட்டு உணர்வுகளை முகத்தில் கொண்டு வந்து விட்டாள்... ரிஷிகேஷும் அவள் இதழ்களை நெருங்கி இருக்க, சட்டென பதறி விலகிக் கொள்ள, ரிஷிகேஷோ திரும்பி ராம்பிரபுவை பார்த்தான்... அவனோ சலிப்பாக அருகே நின்று இருந்த தனாவை பார்த்துக் கொண்டே, சிகரட்டை எடுத்து வாயில் வைக்க, தனாவோ, அவன் சிகரெட்டை லைட்டரினால் பற்ற வைத்தான்... வாயில் இருந்து வட்டம் வட்டமாக புகை விட்டபடி, தனாவைப் பார்த்தவன், "அழகா இருக்கா... நல்லா எக்ஸ்பிரஷன் வருதுன்னு செலேக்ட் பண்ணுனா இப்படி கிஸ் சீன் ல சொதப்புறாளே" என்று சலித்துக் கொண்டே, " கட் " என்று சொன்னபடி தயங்கி நின்ற அஞ்சனாவைப் பார்த்தான். அவள் முகமோ பயத்தில் வெளிறி இருக்க , அவளை கண்களால் அருகே அழைத்தான். அவள் அவ்விடம் வர முதலே அவன் அருகே ஓடி வந்த அவள் ரேவதியோ, "சார் அவளுக்கு இதெல்லாம் தெரியாது... சீக்கிரம் பழகிடுவா" என்று சொல்ல, அவரை ஒரு கணம் பார்த்த ராம்பிரபுவோ, "பழக்கிடுறேன்" என்றான். அவனை நோக்கி நடந்த பெண்ணவளின் பாத சுவடுகள் ஒரு கணம் நிற்க, அவன் விழிகள் இப்போது அவளில் படியே மீண்டும் அவனை நோக்கி நடக்க ஆரம்பித்தாள். அவள் முகத்தில் ஒரு வித பதட்டம்... ரேவதியோ, "சார் எல்லாமே சொல்லி கொடுப்பார்... கூடவே போ" என்றார்... சுருக்கென்று தைத்தது அவளுக்கு... .