Reviews for உலோகம்

கேள்வி கேட்காமல் கட்டளைகளை நிறைவேற்றும் போராளியாகச் சாந்தன் சித்தரிக்கப்படுகிறான். அவன் உடலில் தங்கியிருக்கும் குண்டும், இயக்கம் அவனைப் பயன்படுத்தும் விதமும் ஒன்றோடொன்று பொருந்துகின்றன. ஈழப்போர், இந்திய உளவு அமைப்பு, அரசியல் தலையீடுகள் ஆகியவற்றின் பின்னணியில் கதை நகர்கிறது. உண்மைச் சம்பவங்களை அடிப்படையாகக் கொண்டதாகத் தோன்றினாலும், முக்கியப் பாத்திரங்களையும் சில நிகழ்வுகளையும் நிஜ வரலாற்றுடன் பொருத்திப் பார்க்க முடியவில்லை.

இலக்கிய நடையில் மெதுவாக நகரும் த்ரில்லர். விறுவிறுப்பை எதிர்பார்த்துப் படித்தால் ஏமாற்றமே மிஞ்சும்; பொறுமையுடன் அணுகினால் வாசிப்பு பலனளிக்கிறது. ஜோர்ஜ், ரெஜினா பாத்திரங்கள் ஆழமாகப் பாதிக்கின்றன. வைஜெயந்தியின் பாத்திரம் நிறையக் குழப்பத்தை ஏற்படுத்துகிறது.