Reviews for துணையெழுத்து

சிறந்த எழுத்தாளரின் மிகச் சிறப்பான வாழ்க்கை அனுபவத் தொகுப்பு.

‘வட்டியும் முதலும்’ பிடித்தவர்களுக்கு இந்த நூலும் பிடிக்கும்.

மிகச் சிறந்த நூல்.

நல்ல புத்தகம்.

எஸ்.ரா.வின் அனுபவக் கட்டுரைகள் மனதுக்கு நெருக்கமாக இருப்பதோடு, ஒவ்வொரு முறையும் புதிதாக ஒன்றைக் கற்றுத்தருகின்றன.

எஸ்.ராமகிருஷ்ணனின் பயண அனுபவங்களை வாசிப்பது இனிமையாக இருக்கிறது. வாழ்வில் சந்திக்கும் விஷயங்களை அவர் புரிந்துகொள்ளும் விதமும் ஈர்க்கிறது.

எளிய நடையும் சில பக்கங்களுக்குள் முடியும் கட்டுரைகளும் வாசிப்பைச் சுவாரசியமாக வைத்திருக்கின்றன. பொழுது போகாத நேரத்தில் ஏதாவது ஒரு கட்டுரையை எடுத்துப் படித்தாலும் புதிதாக ஒன்றை அறிந்துகொள்ளலாம்; நேரத்தையும் பயனுள்ளதாகச் செலவிடலாம்.

ஊர்கள், மக்கள், இயற்கை, மனித மனங்கள், வரலாறு என ஒரு தேசாந்திரியுடன் குறும்பயணம் செல்வதுபோன்ற வாசிப்பு. ஆனால் ‘ஸ்திரீபார்ட்’ கட்டுரையின் முடிவில் ஆசிரியரின் பார்வையுடன் உடன்பட முடியவில்லை; அது வேறுவிதமாக அமைந்திருக்கலாம் என்று தோன்றுகிறது.

சந்தித்த மனிதர்களையும் சிறிய சம்பவங்களையும் கொண்டு வாழ்வின் இனிமையை உணர்த்துவதில் எஸ்.ரா.வின் தனித்துவம் தெரிகிறது. நம் வாழ்வில் வந்து சென்றவர்களையும், அருகில் இருந்தபோது புரிந்துகொள்ளாமல் பின்னாளில் புரிந்துகொண்டவர்களையும் இந்தக் கட்டுரைகள் நினைவூட்டுகின்றன. அவர்களை நல்ல நினைவுகளாக மனதில் வைத்துக்கொள்ள உதவுவதோடு, பல எண்ணங்களையும் எழுப்புகின்றன.

ஆனந்த விகடனில் வெளிவந்த இந்தக் கட்டுரைகளில், சிறுகதையாக விரியக்கூடிய மனிதர்களும் சம்பவங்களும் நிறைய இருக்கின்றன. சொல்ல வரும் கருத்துக்குத் தேவையான தகவல்களைத் தேர்ந்தெடுத்து வாசகரிடம் பக்குவமாக முன்வைக்கிறார் எஸ்.ரா. இலக்கியத்தோடு வரலாறு, தொன்மம், ஆன்மீகம் எனப் பல தளங்களில் அவருக்குள்ள வாசிப்பும் மனிதர்கள் மீதான அக்கறையும் எழுத்தில் தெரிகின்றன. உலகைப் பார்க்கும் விதத்தை விரிவாக்கும், வாசித்துப் பார்க்க வேண்டிய தொகுப்பு.