அழகான கூட்டு குடும்பக்குக்குள் உண்டாகும் பிரளயம். அதிலிருந்து மீண்டும் வந்து மதிவதனியை கை பிடிப்பானா வேதிக். இறுதியில் தெரிய வரும் உண்மையில் இருந்து அவளை மீட்பானா ? கதையில் போக்கில் தெரிந்து கொள்ளுங்கள்.

" லேட்டா வந்ததுக்கு பனிஷ்மென்ட் இருக்கு அத்தான் "

" என்ன டி "

" ஐபாக்கோ "

" இதெல்லாம் ஓவர் டி "

" செஞ்சு தான் ஆகனும் "

" என் பாக்கெட்டை காலி பண்ணாம விட மாட்ட "

" பொண்டாட்டிக்கு சோறு போட கணக்கு காட்டுற புருஷன்.. " உதட்டை சுழித்து இருக்க.. சிரித்து கொண்டே அவள் கேட்ட கடையில் வண்டியை நிறுத்தி இருக்க.. உற்சாகமாக இறங்கி கடைக்குள் சென்றாள் பூங்குழலி.

" எனக்கு ஸ்ட்ராபெர்ரி.. "

" எப்பவுமே அதுதான் கேக்குற... இன்னைக்கு வித்தியாசமா டிரை பண்ணலாம்ல "

" இல்ல அத்தான்.. எனக்கு ரொம்ப பிடிச்சதை எப்பவுமே மாத்த மாட்டேன் " என்றவளை இமைக்காது பார்த்தவன்.. அவளுக்கு பிடித்த ஸ்ட்ராபெரி ஐஸ் கிரீமை வாங்கிக் கொடுத்தான்.

" உங்களுக்கு "

" எனக்கு வேண்டாம்.."

" என் கப்ல இருந்து எடுக்கக் கூடாது "

" வேண்டாம் டி " என இருவரும் ஒரு மேஜையில் அமர்ந்து விட.. ரசித்து ருசித்து அந்த ஐஸ் கிரீமை சாப்பிட தொடங்கினாள்.

பாதிக்கு மேல் உண்டு முடித்தவள்.. " உன்ன விட்டுட்டு சாப்பிட்டா வயிறு வலிக்கும் அத்தான்.. நீயும் கொஞ்சம் எடுத்துக்கோ " என்றதும் அவளையே அதுவரை கண் சிமிட்டாமல் பார்த்துக் கொண்டிருந்தவன்.. தலையை ஆட்டி.. கப்பில் இருக்கும் ஐஸ்கிரீமை எடுக்காது.. அவளது உதட்டோரம் ஒட்டிக் கொண்டிருந்த ஐஸ்கிரீமை விரலில் எடுத்து வாயில் வைத்து சுவைத்தவனை அதிர்ந்து பார்த்தாள் பூங்குழலி.

அவன் செய்த செயலில் மீதம் இருந்த ஐஸ்கிரீம் தொண்டையில் இறங்காமல் சதி செய்ய.. அவளது செய்கையில் லேசாக உதட்டை வளைத்து சிரித்தவன்.. " என்னாச்சு பூவு " என்றதும்.. சட்டென பார்வையை திருப்பியவள்.. " அது.. ஒன்.. ஒன்னும் இல்ல.. அத்தான்.. " என்றாள்.

" வித்தியாசமா இருக்குள்ள... " அவனே பேச்சை ஆரம்பித்தான்..

"எது..... " சற்றே தடுமாறினாள்.

" இந்த ஐஸ்கிரீம் தான் " என்றதும்.. லேசாக தலை அசைத்தாள்.

" எனக்கே இது புதுசா இருக்கு.. அப்பறம் ரொம்ப பிடிச்சு இருக்கு " மீண்டும் அவன் தான்.

" எது " என அவள் கேட்டதற்கு ஐஸ்கிரீம் மீது பழி சுமத்தினான் பாவி.

" ஓ..."

" இனிமே காலம் முழுக்க டேஸ்ட் பண்ணலாம்னு இருக்கேன் .. நீ என்ன சொல்லுற " என்றதும் படபடத்த நெஞ்சத்தை கட்டுப் படுத்த முடியாமல் பூங்குழலி திணற.. அவளது திணறலை ரசித்தவன்..

" பூவு " என மீண்டும் அழைக்க..

" ஹான்... அத்தான் " என்றாள் விழித்து.

" டேஸ்ட் பண்ணிடவா " மீண்டும் கேட்க.. தலையை நாலாபக்கமும் ஆட்ட.. அதற்கு மேல் அவளை சோதிக்க விரும்பாது, அவளது கப்பில் இருந்து ஒரு கரண்டி ஐஸ்கிரீமை சாப்பிட்டு பார்க்க.. நிம்மதி பெருமூச்சு விட்டாள் பூங்குழலி.

" எல்லாமே டபிள் மீனிங்கா இருக்குமோ " அவள் மனதில் நினைக்க....

" சிங்கிள் தான் " என்றவனை திகைத்து பார்த்தாள்.. வெயிட்டரிடம் "சிங்கிள் ஐஸ்கிரீம் தான் பில் ரெடி பண்ணுங்க " என வந்த சிரிப்பை அடக்கிக் கொண்டு ஆதில் கூற.. தலையை உலுக்கிக் கொண்டு அவனோடு கிளம்பி இருந்தாள் பூங்குழலி.