Reviews for ரோலக்ஸ் வாட்ச்

அரசியல் தரகர்களின் வாழ்க்கையை மிக எளிய நடையில் அறிமுகப்படுத்துகிறது. பல இடங்களில் ‘என் பெயர் ராமசேஷன்’ நினைவுக்கு வருகிறது. தனித்தனி நிகழ்வுகளின் தொகுப்பாக இல்லாமல் ஒரே கதையாக அமைந்திருந்தால் இன்னும் நன்றாக இருந்திருக்கும்; இப்போதைய அமைப்பில் சந்திரனின் கதையோடு ஒன்ற முடியவில்லை. இருப்பினும் ‘ரோலக்ஸ் வாட்ச்’ என்ற தலைப்புக்கான நிகழ்வு கவித்துவமும் தத்துவமும் கலந்து சொல்லப்பட்டிருக்கிறது.

அரசுக்கும் மக்களுக்கும் இடையில் செயல்படும் தரகர்களின் உலகை விறுவிறுப்பாகச் சொல்கிறது இந்த நாவல். தொடர்புகள், பணம், செல்வாக்கு ஆகியவற்றால் காரியங்களை நடத்தும் நாயகனின் வாழ்வில், பிறருக்காகப் பேணும் போலித் தோற்றமும் உண்மையான அன்பின் தேவையும் வெளிப்படுகின்றன. சந்திரன் தனித்துத் தெரிகிறான். பல அடுக்குகள் இருந்தாலும் எளிமையாக வாசிக்க முடிவதும் தலைப்புக்கான காரணத்தைச் சொல்லும் விதமும் சிறப்பு.