Reviews for பழுப்பு நிறப் பக்கங்கள் பகுதி 1

சமூகத்தின் புறக்கணிப்பால் கவனம் பெறாமல் போன நவீன, பின்நவீனத் தமிழ் இலக்கியத்தை அணுக நல்ல வழிகாட்டியாக உள்ளது. தமக்கு முந்தைய எழுத்தாளர்களுக்கு மரியாதை செலுத்தும் விதமாக, அவர்களின் சிறப்புகளையும் முக்கியப் படைப்புகளையும் சாரு அறிமுகப்படுத்துகிறார். அந்தப் படைப்புகளைத் தேடி வாசிக்கத் தூண்டும் நூல்.

போதிய கவனம் பெறாத தமிழ் இலக்கிய முன்னோடிகளையும் அவர்களின் படைப்புகளையும் அறிமுகப்படுத்தியிருப்பது சாருவின் முக்கியமான பணி. எழுத்தாளர்களின் இலக்கியப் பங்களிப்புகளைப் பற்றிய அவரது ஆர்வம் கட்டுரைகளில் வெளிப்படுகிறது. குறிப்பாகத் தஞ்சை பிரகாஷ், ஆ. மாதவன், எம்.வி.வி., எஸ். சம்பத், க.நா.சு. ஆகியோரின் நாவல்களையும் அவற்றின் பின்னுள்ள சிந்தனைகளையும் ஆராயும் பகுதிகள் நெகிழ வைக்கின்றன. அந்தப் படைப்புகளின் சிறப்பை அறியும் மகிழ்ச்சியோடு, அவை உரிய கவனம் பெறாத ஏக்கமும் எழுகிறது.

தமிழுக்கு உ.வே.சா., க.நா.சு. ஆகியோரின் பங்களிப்புகளை நினைவுகூரச் செய்கிறது. இத்தனை எழுத்தாளர்களை அறிமுகப்படுத்திய சாருவின் பணிக்கு நன்றி சொல்ல வேண்டும்.