Reviews for பண வாசம்: செல்வம் உங்களைத் தேடி வருவதற்கான சில ரகசியங்கள்

புதிய புரிதலைத் தரும் வாசிப்பு. பிரபஞ்சத்தின் மறைந்த உண்மைகளாகத் தாம் அறிந்தவற்றைப் பகிரும் குரு மித்ரேஷிவாவின் முயற்சியில் இந்த நூலும் ஓர் அங்கமாக அமைந்துள்ளது.

பணத்தைப் பற்றிய எண்ணங்கள், பயம், செலவிடும் மனநிலை ஆகியவை செல்வம் சேர்ப்பதில் எவ்வாறு குறுக்கிடுகின்றன என்பதை இந்த நூல் பேசுகிறது. கடின உழைப்பு மட்டும் போதாது என்ற கருத்துடன், மாற்றிக்கொள்ள வேண்டிய அணுகுமுறைகளை முன்வைக்கிறது. பணத்துக்கும் பிரபஞ்சத்துக்கும் தொடர்பு இருப்பதாகவும் விளக்குகிறது. பணம் பற்றிய புரிதலையும் மனநிலையையும் மாற்ற உதவும் தகவல்கள் நிறைந்திருப்பதால் வாசித்துப் பார்க்கலாம்.

பணத்தைப் பற்றிய மனநிலையை மையமாகக் கொண்ட நூல் இது. பொறாமை, செலவிடும்போதுள்ள பதற்றம், வாழ்வின் நோக்கம் ஆகியவற்றைச் செல்வத்துடன் தொடர்புபடுத்திப் பேசுகிறது. பணம் மட்டுமின்றி நேரம், ஆரோக்கியம், மகிழ்ச்சியையும் செல்வமாகக் கருதுகிறது. பணம்சார் உளவியல் பணத்தின் பக்கம் பேசினால், இது மனத்தின் பக்கம் பேசுகிறது. இரண்டின் புரிதலும் வளர்ச்சிக்கு உதவும்; அனைவரும் வாசிக்க வேண்டிய, ஒரே அமர்வில் முடிக்கக்கூடிய புத்தகம்.