Reviews for ஒரு மனிதன் ஒரு வீடு ஒரு உலகம்

ஹென்றியைச் சொல்லாமல் இந்த நாவலைப் பற்றிப் பேச முடியாது. ஜெயகாந்தனின் கதை சொல்லும் விதம் அத்தனை அருமை. படிக்கத் தொடங்கிவிட்டால் புத்தகத்தை கீழே வைக்க மனம் வருவதில்லை.

ஹென்றியின்மேல் அன்பு கொள்ள வைக்கும் நாவல்.

ஹென்றியும் பேபியும் மனதுக்குப் பிடித்த பாத்திரங்கள்.

ஜெயகாந்தனின் பழைய செவ்வியல் படைப்பு. ஒரு கிராமத்துக்குச் சென்று இந்தக் கதாபாத்திரங்களைத் தேடிப் பார்க்க வேண்டும் என்று தோன்றவைக்கிறது.

எளிய வாழ்க்கையையும் நல்ல மனிதர்களையும் கண்முன் நிறுத்தும் எழுத்து. அடுத்து என்ன நடக்கும் என்ற எதிர்பார்ப்பும் இருக்கிறது. ஹென்றி, பேபி, நட்பு, காதல், உறவுகள் என விரியும் கதையின் அடுத்த பாகத்தை வாசிக்கத் தோன்றுகிறது.

மனதுக்கு இதமளிக்கும் நாவல்.

ஹென்றி, தேவராஜன் இருவரின் கதாபாத்திரங்களும் மனதைக் கவர்கின்றன.

களங்கமற்ற பேச்சாலும் பழகும் விதத்தாலும் ஹென்றி புதுமையான கதாபாத்திரமாகத் தெரிகிறான். அவனுக்கும் தேவராஜனுக்கும் இடையிலான நட்பு சிறப்பானது.

ஹென்றியின் தெளிவான வாழ்க்கைப் பார்வை வியக்க வைக்கிறது. எதையும் நாம் எப்படிப் பார்க்கிறோம் என்பதே முக்கியம் என்பதை இந்தக் கதாபாத்திரம் உணர்த்துகிறது.

ஜெயகாந்தன் மீதான மதிப்பைக் கூட்டும் அருமையான படைப்பு. வாசிக்க வேண்டிய சிறந்த நூல்.