Reviews for நியூட்டனின் மூன்றாம் விதி

நியூட்டனின் மூன்றாம் விதியை நூல் சரியாக விளக்குகிறது.

சிறிய கவிதைகளைக் கொண்ட அருமையான நூல். தமிழில் வாசிக்கத் தொடங்குபவர்களுக்கு ஏற்றது.

எளிய மனிதர்களும் பால்ய நினைவுகளும் நா. முத்துக்குமாரின் கவிதைகளில் முக்கிய இடம் பெறுகின்றன. பிறர்மீதான அக்கறையும் மென்மையும் பொறுப்புணர்வும் அவற்றில் வெளிப்படுகின்றன. குறிப்பாக, ‘இன்று செய்த சமூக சேவைகள்’ கவிதையில் இந்தப் பண்புகளை நன்றாக உணர முடிகிறது.

கற்பனை உவமைகளால் அழகை வர்ணிப்பதைவிட, வீட்டையும் உறவுகளையும் தெருவையும் கவிதையாக்கும் நா. முத்துக்குமாரின் எதார்த்தம் ஈர்க்கிறது. பெண்கள், குழந்தைகளின் துயரங்களைப் பரிவோடு பேசும் கவிதைகள் இத்தொகுப்பில் நிறைய உள்ளன. நியூட்டனின் மூன்றாம் விதி, அக்காவின் கடிதம், களவு, ஐந்து கட்டளைகள் ஆகியவை குறிப்பாகக் கவர்கின்றன.

கவிதை வலியைச் சொல்வதோடு நின்றுவிடாமல் ஆறுதலும் தர வேண்டும் எனக் கூறும் தபூ சங்கரின் முன்னுரை இத்தொகுப்பில் மனதில் நிற்கிறது.

எளிய நடையும் மெலிதான நகைச்சுவையும் சோகமும் கவிதைகளை ரசிக்க வைக்கின்றன. ஆனால் கருக்களிலும் சொல்லப்படும் கருத்துகளிலும் புதுமையில்லை; வேறு கவிதைகளில் ஏற்கெனவே வாசித்தவையாகவே உள்ளன.

கவிதைகள் குறித்த முன்முடிவுகளை மாற்றி, மேலும் பல கவிதைத் தொகுப்புகளை வாசிக்கும் ஆர்வத்தைத் தூண்டும் எழுத்து நா. முத்துக்குமாருடையது.

புரியாத மொழியில் பெரிய கருத்துகளைச் சொல்ல முயலாமல், அன்றாட வாழ்வின் எளிய தருணங்களைக் கவிதையாக்கியிருப்பது ஈர்க்கிறது. கிராம வாழ்க்கையும் நகரத்துக்கான இடப்பெயர்வும் அதனோடு சேர்ந்த ஏக்கமும் அழகான தமிழில் வெளிப்படுகின்றன. வெவ்வேறு எண்ணங்களைக் கொண்ட கவிதைகள் அனைத்தும் கவர்ந்தாலும், இறுதிக் கவிதையின் கடைசி வரிகள் குறிப்பாக மனதில் நிற்கின்றன.

கிராமம், தெரு, வீடு என அன்றாட வாழ்விலிருந்தே இந்தச் சிறுகவிதைகள் உருவாகின்றன. நகைச்சுவையோடு வலியையும் உணர்த்தும் வரிகள் மனதில் அழுத்தமாகப் பதிகின்றன. அக்காவின் கடிதம், குழந்தை மாமாக்கள், கிராமந்தோறும் விஞ்ஞானம் உள்ளிட்ட பல கவிதைகள் கவனத்தை ஈர்க்கின்றன. புன்னகையையும் துயரத்தையும் ஆழ்ந்த சிந்தனையையும் தரும் தொகுப்பு.

சிந்தனையின் புதுமையால் வியக்க வைக்கும் நா. முத்துக்குமாரின் கவிதைகள், மனதுக்கு இதமாகவும் அமைகின்றன. சிரிக்கவும் சிந்திக்கவும் வைக்கும் இத்தொகுப்பைக் குறுகிய நேரத்தில் வாசித்துவிடலாம்.