Reviews for நேர் நேர் தேமா

வெற்றி பெற்றவர்களின் வாழ்வுக்குப் பின்னால் இருக்கும் வலிநிறைந்த கடந்தகாலத்தை அறியச் செய்கிறது இந்த நூல். அடுத்த தலைமுறைக்கு உதவும் அவர்களது அறிவுரைகளும் இதில் இடம்பெற்றுள்ளன.

சாலமன் பாப்பையா முதல் கலைஞர் வரை 21 பேருடனான கோபிநாத்தின் நேர்காணல்கள் இத்தொகுப்பில் இடம்பெற்றுள்ளன. எதிரிலிருப்பவர் மனம் கோணாமல் நேர்மையாகக் கேள்வி கேட்கும் விதம் சிறப்பு. கேள்வி பதில்களோடு சந்திப்பின் அனுபவங்களையும் சூழல் வர்ணனைகளையும் சேர்த்திருப்பது எழுத்து வடிவிலான வாசிப்புக்குத் தனி மகிழ்ச்சி தருகிறது. ஒவ்வொரு நேர்காணலுக்கும் முன்புள்ள ஆளுமைகளின் ஓவியங்களும் அருமை. வாசிக்கப் பரிந்துரைக்கத்தக்க தொகுப்பு.

பல்வேறு துறைகளின் பிரபலங்கள் தங்கள் கடந்தகால வாழ்க்கை, வெற்றி, தோல்விகளைப் பகிர்ந்துகொள்ளும் நேர்காணல் தொகுப்பு. நேர்காணல்கள் அனைத்தும் நன்றாக உள்ளன. குறிப்பாக சாலமன் பாப்பையா, நம்பியார், கே. பாலசந்தர், சிவகுமார், ஷங்கர், ஜெயகாந்தன், அஜித் ஆகியோருடனான உரையாடல்கள் மிகவும் கவர்கின்றன.

தமிழ்நாட்டின் முக்கிய ஆளுமைகளுடனான நேர்காணல்கள் ஆர்ப்பாட்டமின்றி, எளிமையாகவும் செறிவாகவும் அமைந்துள்ளன. எழுதத் தோன்றும்போதுதான் எழுதுவதாகச் சொல்லும் ஜெயகாந்தனின் கருத்து குறிப்பாகக் கவர்கிறது.