நாம் அறிந்தும் அறியாமலும் நீர்நிலைகளை எவ்வாறு இழந்து வருகிறோம் என்பதைப் புரியவைக்கும் ஆய்வு நூல். ஒவ்வொருவரும் படிக்க வேண்டியது.

தமிழகத்தின் நீர் மேலாண்மையையும் தண்ணீர்த் தட்டுப்பாட்டையும் நன்றாக ஆராய்கிறது.

இன்றைய தண்ணீர்த் தட்டுப்பாட்டையும் எதிர்கால நீர்ச் சிக்கல்களையும் அறியப் படிக்க வேண்டிய நூல். நீர் குறித்த விழிப்புணர்வுக்குத் தேவையான பல அம்சங்களை விரிவாக ஆராய்கிறது.

பக்கந்தோறும் புதிய தகவல்களைத் தந்து வியக்க வைக்கிறது இந்நூல். சங்க இலக்கியம் தொடங்கி இன்றைய நிகழ்வுகள் வரை பல எடுத்துக்காட்டுகளைக் கொண்டு, தான் சொல்ல விரும்பும் அரசியலை நக்கீரன் தெளிவாக முன்வைக்கிறார். நீரைப் பற்றிய இந்தப் பதிவு நீடித்த முக்கியத்துவம் கொண்டது.

தமிழக நீர்நிலைகளின் வரலாறு, நீருக்கும் அதிகாரத்திற்குமான உறவு, எதிர்கால நீர்ச் சிக்கல்கள் ஆகியவற்றை ஆதாரங்களுடன் ஆராய்கிறது நீர் எழுத்து. இறுதியில் தரப்பட்டுள்ள தரவுகளும் கொள்கைப் பரிந்துரைகளும் பயனுள்ளவை. மழைநீர்ச் சேமிப்பும் அதிகாரப் பரவலாக்கமும் பற்றிய கருத்துகள் ஏற்கத்தக்கவை; எல்லாவற்றையும் அரசே செய்ய வேண்டும் என்ற நிலைப்பாட்டில் உடன்பாடில்லை. சில இடங்களில் பிரச்சாரத் தொனியும் மிகைப்படுத்தப்பட்ட எதிர்மறைக் கருத்துகளும் இருந்தாலும், வாசிக்க வேண்டிய நூல்.