Reviews for நகுமோ லேய் பயலே

நுணுக்கமான பகடியும் நையாண்டியும் நிறைந்த அருமையான கட்டுரைகள். மகிழ்ச்சியோடு வாய்விட்டுச் சிரிக்கவும் வைக்கின்றன. வாசகர்கள் தவறாமல் படிக்க வேண்டிய நூல்.

தவறாமல் படிக்க வேண்டிய நூல்!

தமிழில் முழுக்க முழுக்க மனம்விட்டுச் சிரிக்க வைக்கும் நூல்கள் அரிது; அவற்றில் இதுவும் ஒன்று. புன்னகையில் தொடங்கி வாய்விட்டுச் சிரிக்கும் அளவுக்கு நகைச்சுவை நிறைந்திருக்கிறது. தமிழ் இலக்கியச் சூழலையும் எழுத்தாளர்களையும் அறிந்தவர்களுக்கு, அவர்களைச் சார்ந்த நுட்பமான கேலிகள் கூடுதல் விருந்தாக அமையும்.

இந்தத் தொகுப்பின் பெரும்பாலான கட்டுரைகள் வாய்விட்டுச் சிரிக்க வைக்கின்றன; மற்றவையும் புன்னகைக்குக் குறைவில்லை. செல்வேந்திரனுக்கு இயல்பாக வரும் பகடி, சொற்களை அவர் கையாளும் விதத்தில் பளிச்சிடுகிறது. சுய எள்ளலோடு அரசியலையும் சமூகத்தையும் நையாண்டி செய்யும் எழுத்து இது. மாசானமுத்துவின் வருகையும் நல்ல நகைச்சுவை விருந்து. அவ்வப்போது எடுத்துப் படித்து மனதை இலகுவாக்கிக்கொள்ளக் கைவசம் வைத்திருக்க வேண்டிய நூல்.