டியர் பிரண்ட்ஸ் இது என்னோட 12-வது நாவல். ஆனால் நான் இதுவரை எழுதிய முப்பதுக்கு மேற்பட்ட நாவலில் எனக்கு மிகவும் பிடித்த நாவல் மெளனம் பேசியதே என்ற இந்த நாவல் தான். தொடக்கம் முதல் கடைசி அத்தியாயம் வரை நான் செதுக்கிய ஓவியமாக தான் பார்க்கிறேன். இந்த நாவலை நீங்கள் வாசிக்க ஆரம்பித்தவுடனே வாழ்வில் ஒரே ஆதாரமாய் இருந்த தாயை இழந்து நடுதெருவில் அனாதையாய் நிற்கும் பன்னிரெண்டே வயதான பல்லவியோடு பயணப்பட ஆரம்பித்து விடுவீர்கள். அப்படி நடுதெருவில் நிற்கும் ஒரு அபலை பெண்ணின் வாழ்வில் அந்த வயது முதல் திருமண வயது வரை நடக்கும் நிகழ்வு தான் இந்த மெளனம் பேசியதே. மௌனத்தை அணிந்து கொண்டு நாட்களை கடத்தும் பல்லவியையும், இதுவரை அந்த குழந்தைக்கு நெருக்கமான உறவாய் இல்லாமல் இன்று நெருங்கி வரும் உறவுகாரர் பாண்டியையும், அனாதையாய் தன் ஊருக்கு வரும் அவளுக்கு பிறப்பிலே அனாதையாக்கப்பட்ட சங்கிலியின் உறவும் நிச்சயமாக உங்களை உணர்வின் எல்லைக்கு கொண்டு செல்வது நிஜம். உயர்வு படிப்பு, காதல் என அழகான ஓவியமாக வளர்ந்திருக்கிறது நாவல். படிக்கிற ஒவ்வொருத்தருடைய விமர்சனத்தையும் ஆவலோடு எதிர்பார்க்கிறேன்.

அன்புடன் உங்கள் செல்வம்.