Reviews for மொஸாட்: இஸ்ரேலிய உளவுத் துறை

மொஸாட்டின் தொடக்கமும் முக்கிய நடவடிக்கைகளும் ஜேம்ஸ் பாண்ட் கதைக்குரிய விறுவிறுப்புடன் சொல்லப்படுகின்றன. பரபரப்பான காட்சிகளுக்கு நடுவே நகைச்சுவையையும் சேர்த்திருக்கிறார் சொக்கன். தலைவர்களின் முடிவுகள், உளவாளிகளின் செயல்பாடுகள், நட்பு நாடுகளைக்கூடக் கண்காணிக்கும் போக்கு எனப் பலவற்றை நூல் விவரிக்கிறது. ஒரு நாட்டின் பாதுகாப்பில் உளவுத்துறை ஏற்கும் ஆபத்துகளையும் அதன் பங்களிப்பையும் அறிய உதவும் நூல்.

இஸ்ரேலிய உளவு அமைப்பான மொஸாட்டையும் அதன் நடவடிக்கைகளையும் பற்றிய மிகவும் சுவாரசியமான நூல்.

கிரைம் நாவலின் வேகத்தோடு மொஸாட் பற்றிய தகவல்களை எளிய தமிழில் தருகிறது. கலைக்களஞ்சியத் தகவல்களைப் போன்ற பகுதிகளும் அலுப்பூட்டவில்லை; காட்சி விவரிப்புகள் விறுவிறுப்பாக உள்ளன. சில எழுத்துப் பிழைகள் தவிரப் பெரிய குறைகளில்லை. வேறு உளவு அமைப்புகளையும் சேர்த்திருக்கலாம்; மொஸாட் மீது தனி ஆர்வமில்லாதவர்களுக்கு விலை தயக்கமளிக்கலாம். தெளிவான அச்சும் அழகான வெளியீடும் பாராட்டத்தக்கவை. உளவுத்துறை, உலக அரசியல், வேகமான கதைகளில் ஆர்வமுள்ளவர்கள் படிக்கலாம்.