Reviews for மூங்கில் கோட்டை

சேரமன்னன் சிறையிலிருந்து தப்பும் சிறிய வரலாற்று நிகழ்வை, கற்பனைப் பாத்திரங்களைக் கொண்டு சுவாரஸ்யமான கதையாக விரித்திருக்கிறார் சாண்டில்யன். யாரையும் குறைத்து மதிப்பிடக் கூடாது என்ற கருத்தும் இதில் வெளிப்படுகிறது. அவரது வழக்கப்படி இந்தக் கதையிலும் ஒரு சிறிய காதலுக்கு இடமுண்டு.

பெரும் வரலாற்றுக் கதையை எதிர்பார்த்தால், நாயகனை முன்னிறுத்தும் மசாலாக் கதையாகவே மூங்கில் கோட்டை ஏமாற்றுகிறது. சிறைப்பட்ட சேர மன்னனை மீட்கும் முயற்சியில் வரும் தந்திரங்கள் எளிதில் ஊகிக்கக்கூடியவை. தேவையின்றி நாயகனைப் புகழும் பாத்திரங்களும், பெண்ணுடல் வர்ணனைகள் நிறைந்த கொச்சையான காதல் சித்தரிப்பும் உறுத்துகின்றன. மீட்பு முயற்சியும் மிக எளிதாக அமைந்துவிடுகிறது; பாண்டிய மன்னருக்குக் கதையில் முக்கியப் பங்கில்லை. கல்கியின் படைப்புகளுக்குப் பிறகு இத்தகைய மேலோட்டமான வரலாற்றுச் சித்தரிப்பை ரசிப்பது கடினம்.