Reviews for குறத்தி முடுக்கு

தொடக்கப் பத்திகளிலேயே ஜி. நாகராஜனின் தனித்துவமான எழுத்து புலப்படுகிறது. பாலியல் தொழிலாளர்களை வெறும் பரிதாபத்துக்குரியவர்களாகவோ புனிதர்களாகவோ காட்டாமல், அவர்களின் வேதனைகளையும் வெவ்வேறு அனுபவங்களையும் சொல்கிறது குறத்தி முடுக்கு.

காதல், காமம், திருமணம் பற்றிய புரிதலைக் கேள்விக்குள்ளாக்கும் கதை.

பாலியல் தொழிலாளர்களின் வாழ்வை யதார்த்தமான எழுத்தில் அறிமுகப்படுத்துகிறது குறத்தி முடுக்கு. அந்த வாழ்வைக் கதைக்களமாகத் தேர்ந்தெடுத்ததில் நாகராஜனின் தனித்தன்மை தெரிகிறது. கதாபாத்திரங்களின் வழியாக அவர்களுடைய உலகத்தை அறிய முடிந்தாலும், சில நிகழ்வுகளை இன்னும் ஆழமாகச் சித்தரித்திருக்கலாம் என்ற குறை இருக்கிறது.

எளிமையும் உணர்வும் சேர்ந்த கதைசொல்லலும் நல்ல மொழிநடையும் குறத்தி முடுக்கை அவசியம் வாசிக்க வேண்டிய நூலாக்குகின்றன.

தவறென்று ஒதுக்கும் ஒரு செயலை இயல்பானதாகக் காட்டி, அதை நாம் எப்படிப் புரிந்துகொள்கிறோம் என்று கேட்கிறது குறத்தி முடுக்கு. சரி, தவறு என்ற தீர்ப்புகளைத் தாண்டி நம் எண்ணங்களையே ஆராயச் செய்யும் ஆழமான கதை.

சமூகத்துக்குப் பயந்து மறைவாகக் காமத்தைத் தீர்த்துக்கொள்ளும் இடத்தில் உருவாகும் காதலையும், அங்கு வாழும் மனிதர்களையும் சித்தரிக்கிறார் ஜி. நாகராஜன். நேர்கோட்டில் செல்லாத கதை அமைப்பு, குறத்தி முடுக்கில் சிறிதுநேரம் சுற்றிவந்த உணர்வைத் தருகிறது.

காதலையும் திருமணத்தையும் முற்றிலும் வேறொரு கோணத்தில் பார்க்க வைக்கிறது இந்தக் குறுநாவல்.

பாலியல் தொழிலாளர்களின் வாழ்க்கையை மிகைப்படுத்தலோ அழகுபடுத்தலோ இல்லாமல் பதிவு செய்கிறார் ஜி. நாகராஜன். கதாபாத்திரங்களின் பேச்சில் மனதிலிருப்பதை மறைக்காத நேர்மை தெரிகிறது. காமம், காதல், திருமணம் குறித்த அவர்களின் வெளிப்படையான கருத்துகளே இந்தக் கதையின் யதார்த்தத்தை உணர்த்துகின்றன.

பாலியல் தொழில் நடைபெறும் குறத்தி முடுக்கில் வாழும் பெண்கள் விரும்பும் வாழ்க்கைக்கும் அவர்களுக்குக் கிடைக்கும் வாழ்க்கைக்கும் இடையே பெரும் இடைவெளி இருக்கிறது. அவர்களின் உணர்வுகளும் அன்புக்கான ஏக்கமும் கதையில் முதன்மை பெறுகின்றன. தங்கத்துடனான உறவின் வழியே காதல், திருமணம், சமூகக் கட்டுப்பாடுகள் பற்றிக் கதைசொல்லி எழுப்பும் கேள்விகள் விரிகின்றன. மணவாழ்க்கையின் பாதுகாப்பைத் தாண்டியும் காதலுக்கு அர்த்தமுண்டு என்பதைத் தங்கத்தின் நிலைப்பாடு உணர்த்துகிறது.