Reviews for கயல்விழி

பாண்டிய நாட்டின் விடுதலைப் போராட்டத்துடன் காதலையும் கலைநயத்தோடு இணைத்திருக்கிறார் அகிலன். ஆலவாய் நம்பி, உய்யவந்தாள் காதல் அழகாக அமைந்துள்ளது; பைந்தமிழ்க் குமரனும் கயல்விழியும் அறிமுகமாகும்போதும் சுவாரசியம் குறையவில்லை. அவர்களது உரையாடல்களும் காதல் சித்தரிப்பும் சிறப்பு. மக்களை ஒன்றுதிரட்டிப் போருக்குத் தயார்படுத்தும் காட்சிகள் உணர்ச்சியுடன் சொல்லப்பட்டுள்ளன.

பாண்டியர்களைப் பற்றிய அருமையான நாவல். சுந்தரபாண்டியன், கயல்விழி இருவரின் பாத்திரப் படைப்பும் சிறப்பாக உள்ளது. அகிலனின் இந்த முயற்சி பாராட்டத்தக்கது.

சோழர்களை மையப்படுத்தும் வரலாற்றுக் கதைகளிலிருந்து விலகி, சுந்தரபாண்டியனையும் கயல்விழியையும் சுவைபடச் சித்தரிக்கிறார் அகிலன். பைந்தமிழ்க் குமரனாக உருவாகும் சுந்தரபாண்டியனும், கயல்விழியின் காதலும் நாட்டுப்பற்றும் சிறப்பாக அமைந்துள்ளன. வள்ளுவரையும் கம்பரையும் பொருத்தமான இடங்களில் பயன்படுத்தியிருப்பது குறிப்பிடத்தக்கது. நாவலின் சுவையை அதன் திரைப்பட வடிவம் சிறிதளவுகூடத் தரவில்லை என்றே தோன்றுகிறது.