Reviews for காஷ்மீர்: அரசியல் ஆயுத வரலாறு

காஷ்மீர் பிரச்சினையின் அடிப்படைக் காரணங்கள், அகிம்சைப் போராட்டம் ஆயுதப் போராட்டமாக மாறிய பின்னணி, இந்தியா மற்றும் பாகிஸ்தானின் கட்டுப்பாட்டு முயற்சிகள் ஆகியவற்றைப் போதிய தகவல்களுடன் எளிமையாக விளக்குகிறது. சில இடங்களில் இந்தியாவின் தவறுகளை ஓரளவு நியாயப்படுத்தும் பார்வை தெரிகிறது. பா.ரா.வின் சில நூல்களில் எரிச்சலூட்டும் தேவையற்ற விரிவாக்கம் இதில் இல்லை; அடக்கமான நடை வாசிப்புக்கு உதவுகிறது. நல்ல வாசிப்பு.

காஷ்மீர் நிலவரம் குறித்த தகவல்கள், கருத்துகள், அலசல்கள் நிறைந்த சிறந்த நூல். தொடக்கத்தில் சொல்லப்படும் பழைய வரலாற்றுச் செய்திகளின் உண்மைத்தன்மை குறித்து ஐயம் இருந்தாலும், பின்னர் அரசியல் சிக்கல்கள் விரிவாகப் பேசப்படுகின்றன. இந்தியாவுடனான இணைப்பு, ஷேக் அப்துல்லாவின் பங்கு, மக்களின் நம்பிக்கை சிதைந்த பின்னணி, இந்திய அரசின் தலையீடுகள், ஆயுதக் குழுக்களுக்குப் பாகிஸ்தானின் ஆதரவு ஆகியவற்றின் வழியே மோதல் வளர்ந்ததை நூல் விவரிக்கிறது.