Reviews for கள்ளிக்காட்டு இதிகாசம்

வைகை அணை கட்டப்பட்டபோது, தலைமுறைகளாக வாழ்ந்த ஊர்களைவிட்டு வெளியேற நேர்ந்த மக்களின் துயரங்களை உருக்கமாகச் சொல்கிறது. உண்மைச் சம்பவங்களை அடிப்படையாகக் கொண்டதாக ஆசிரியர் கூறினாலும், புனைவின் பங்கும் இருக்கிறது. மனதைத் தொடும் நல்ல நூல்.

வாழ்க்கையில் எதுவும் நிலைத்திருக்காதபோதும் தன்னம்பிக்கையைக் கைவிடக் கூடாது என்பதை உணர்த்தும் உருக்கமான நாவல். பேயத்தேவரின் வைராக்கியம் மனதை உலுக்குகிறது. அழகம்மா, முருகாயி மட்டுமின்றி மயிலக்காளையும் செவலக்காளையும்கூட பாசத்தோடு நினைவில் நிற்கின்றன.

பேயத்தேவர் மறக்க முடியாத கதாபாத்திரம். அவருடைய துயரம் மனதில் தங்கிவிடுகிறது. அந்த மனிதரை உருவாக்கிய விதத்திற்காக வைரமுத்துவைப் பாராட்ட வேண்டும்.

எளிய மனிதர்களின் வழியே ஆண் எப்படிப்பட்ட ஆளுமையாக இருக்க வேண்டும் என்பதைக் கள்ளிக்காட்டு இதிகாசமும், பெண் எப்படிப்பட்ட ஆளுமையாக இருக்க வேண்டும் என்பதைக் கருவாச்சி காவியமும் எடுத்துக்காட்டுகின்றன. இரு படைப்புகளும் எதார்த்தமான நடையிலும் உருக்கமான உணர்வுகளிலும் மனித மாண்பை வெளிப்படுத்துகின்றன.

இனி வைகை அணையைப் பார்க்கும்போதெல்லாம் பேயத்தேவரின் நினைவும் மனதை வலிக்கச் செய்யும்.

அருமை.

கதையைச் சொல்லும் தமிழ்நடை வசீகரிக்கிறது. தமிழில் அனைவரும் வாசிக்க வேண்டிய நூல்களில் ஒன்று.

பல சுயமுன்னேற்ற நூல்களில் கிடைக்கும் கருத்துகள் இந்த ஒரு நூலிலேயே இருக்கின்றன. சில இடங்களில் கண்ணீர் வரவழைக்கிறது. அனைவரும் அவசியம் வாசிக்க வேண்டிய நூல்.

வலியோடு கலந்த அன்பை மனதில் நிறைக்கும் நூல். வாழ்க்கையை வேறொரு கோணத்தில் பார்க்க வைக்கிறது.

மிகச் சிறந்த நூல்.