Reviews for இன்று

கட்டுரை, கவிதை, உரைநடை, கதை எனப் பல வடிவங்களில் வெவ்வேறு மனிதர்களின் நிகழ்வுகளைச் சேர்க்கும் புதிய நாவல் பாணி இது. ஒன்றுக்கொன்று தொடர்பற்றவை போலத் தோன்றும் பகுதிகளில் டால்ஸ்டாய், காந்தி, நெருக்கடிநிலைக் கால அரசியல் ஆகியவற்றோடு அசோகமித்திரனுக்கே உரிய கீழ்நடுத்தர வர்க்க மனிதர்களும் இடம் பெறுகிறார்கள்.

மேலோட்டமாக வாசித்தால் தொடர்பற்றவையாகத் தோன்றும் நிகழ்வுகள், கவிதைகள், டால்ஸ்டாய் பற்றிய உரைகள் ஆகியவை சேர்ந்தே பிடிப்பான வாசிப்பைத் தருகின்றன. சில பகுதிகள் தனித்தனியாகவும் மிகச் சிறந்த சிறுகதைகளாக நிற்கின்றன. நாவலின் பொருளைப் பிடித்துக்கொள்வது எளிதல்ல என்றாலும், அசோகமித்திரனின் இந்தப் புதிய கதைசொல்லல் முறை ஈர்க்கிறது.