Reviews for செங்கிஸ்கான்

கதை சொல்லும் விதம் மிகவும் கவர்கிறது. செங்கிஸ்கானின் செயல்கள் சரியா தவறா என்ற கேள்வி இருந்தாலும், அவரது பார்வையில் அவை நியாயமானவையாகத் தெரிகின்றன. படித்துப் பார்க்க வேண்டிய நூல்.

ஆர்வத்துடன் வாசிக்கத் தொடங்கியபோது இருந்த எதிர்பார்ப்புகளை நிறைவேற்றிய நூல்.

போர்க்கள நாயகனான செங்கிஸ்கானை அறிந்துகொள்ள உதவும் நூல்.

செங்கிஸ்கான் எதிரிகளுடன் எப்படிப் போரிட்டார், எந்தப் போர்த் தந்திரங்களால் வென்றார் என்பதற்கான விவரங்கள் நூலில் இல்லை.

நுணுக்கமான விவரங்களும் சிறப்பான வருணனைகளும் வாசிப்பில் பிடிப்பை ஏற்படுத்துகின்றன. முடிக்காமல் கீழே வைக்க முடியாத அளவுக்கு ஈர்க்கும் புத்தகம். அனைவரும் படித்துப் பார்க்க வேண்டிய நல்ல நூல்.

வாசிப்பில் தடுமாற்றம் உள்ள தொடக்க வாசகர்களையும் கதைக்குள் ஈர்க்கும் அருமையான புத்தகம். மங்கோலிய நாட்டுக்குள் சென்றதுபோன்ற உணர்வைத் தருகிறது.

வரலாற்றுச் சம்பவங்களை வெறுமனே பட்டியலிடாமல், ஒவ்வொரு காட்சியையும் விரிவாகவும் அழகாகவும் சித்தரித்திருக்கிறது. நாவல் வாசிப்பதுபோன்ற ஓட்டமும் திரைப்படம் பார்ப்பதுபோன்ற காட்சித்தன்மையும் கொண்ட அருமையான நூல்.

கனவை அடைய வேண்டுமென்ற உறுதியும் அதற்கான முயற்சியும் இருந்தால் சாதிக்கலாம் என்ற ஊக்கத்தைச் செங்கிஸ்கானின் வாழ்க்கை தருகிறது. அந்த வெற்றிப் பாதையை எடுத்துரைக்கும் இந்நூலின் எழுத்தும் மிகச் சிறப்பாக அமைந்திருக்கிறது.

இனக்குழுத் தலைவரின் மகனாகவும் தந்தையின் பெயரால் உதவி பெற்றவராகவும் இருக்கும் செங்கிஸ்கானைச் சாமானியன் எனச் சித்தரிப்பது கேள்விக்குரியது. நண்பனின் கனவைத் தனதாக்கிக்கொள்வதும் பழிவாங்கும் நடவடிக்கைகளும் அவர்மீது ஈர்ப்பை ஏற்படுத்தவில்லை. பெரும் நிலப்பரப்பைக் கைப்பற்றி ஆண்டதைத் தவிர வியக்கச் செய்வது இல்லை. அக்கால வியாபாரிகளைக் குறிப்பிடும்போது இந்து என்ற மத அடையாளத்தைப் பயன்படுத்துவது பொருத்தமா என்ற கேள்வியும் எழுகிறது.

செங்கிஸ்கானைப் பற்றிய தொடக்கநிலை அறிமுகமாக இந்த நூலை வாசிக்கலாம். மங்கோலியர்களை ஒன்றிணைத்து அவர் பேரரசை உருவாக்கிய பயணத்தைச் சொன்னாலும், அவருக்கு ஆதரவாக நியாயம் கற்பிக்கும் சாயல் தெரிகிறது. அவரது மனிதநேயப் பக்கத்தைக் காட்டும் முயற்சிகளைவிடப் போர்களின் கொடூரமும் உயிரிழப்புகளுமே மேலோங்கி நிற்கின்றன. அவர் இறந்த விதம் குறித்த விளக்கமும் இல்லை. அவரைப் பற்றி மேலும் வாசிக்கத் தூண்டும் நூல்.