Reviews for தேசாந்திரி

எஸ்.ராவின் பயண அனுபவங்களை வாசிக்கையில், அந்த இடங்களுக்கு நாமும் சென்று வந்த உணர்வு ஏற்படுகிறது. இடங்களோடு அங்கு கிடைக்கும் அனுபவங்களையும் நெருக்கமாக உணர வைப்பது அவரது எழுத்தின் சிறப்பு. அவரைப் போலவே நேரில் பயணிக்க வேண்டும் என்ற ஆவலை எழுப்புவதோடு, வாசிப்பிலேயே அந்தப் பயணத்தின் நிறைவையும் தருகிறது.

அதிகம் அறியப்படாத இடங்களையும் வியப்புடன் கவனிக்க வைக்கிறது எஸ்.ராவின் சொல்லும் திறன். நல்லதங்காள் கிணறு, கட்டபொம்மன் தூக்கிலிடப்பட்டதாக நம்பப்படும் மரம் பற்றிய பதிவுகளும், குறிப்பாகக் காசி பற்றிய விவரிப்பும் சிறப்பாக உள்ளன. ஒவ்வொரு பயணக் கட்டுரையின் தொடக்கத்திலும் வரும் சிறு கவிதைகளும் அழகு. இத்தகைய இடங்களை நேரில் தேடிச் செல்லும் ஆர்வத்தைத் தூண்டும் நூல்.

கட்டுரைத் தொகுப்பு என்ற தயக்கத்தைப் போக்கி, வாசிப்பில் ஆழ்த்திவிடுகிறது எஸ்.ராவின் எழுத்து. ஒவ்வொரு கட்டுரையிலும் கவிதையின் சாயல்; சிறுவயது நினைவுகளைப் புரட்டிப் பார்க்கும் உணர்வும் கிடைக்கிறது. மழையைப் போலவே வெயிலையும் அன்போடு ரசித்து எழுதும் விதம் குறிப்பாகக் கவர்கிறது. பயணத்தில் ஆர்வமுள்ளவர்கள் மட்டுமல்ல, சுருக்கமான, சுவாரசியமான வாசிப்பை விரும்புபவர்களும் படிக்கலாம்.

காலில் சக்கரம் கட்டாத குறையாகப் பயணம் செய்யத் தூண்டிவிடுகிறார்!

மனதுக்கு இதமான நூல். பயணம் மனதை விரிவாக்குவதையும், செல்லும் இடங்களில் நிகழ்கணத்தை உணர்ந்து இயற்கையோடு நெருங்குவதையும் நினைவூட்டுகிறது.

மிகச் சிறப்பு!

நல்ல சுயமுன்னேற்ற நூல்.

எஸ்.ரா. விவரிக்கும் இடங்களின் குளிரையும் மழையையும் அருகிலிருந்து உணர்வதுபோல் இருக்கிறது. பயணக் குறிப்புகளோடு கட்டபொம்மன் பற்றிய வரலாறும் இந்தியப் பெருவளைவு நிலஅளவைத் திட்டம் பற்றிய தகவல்களும் வாசிப்பைச் செறிவாக்குகின்றன. வழியில் சந்திக்கும் மனிதர்களின் நற்குணங்களையும் கவனிக்கத் தவறும் இயற்கையின் அழகையும் நூல் உணர்த்துகிறது. வரலாற்றுச் சின்னங்களையும் கலைகளையும் பாதுகாப்பதில் நிலவும் அலட்சியம் குறித்த ஆசிரியரின் வருத்தமும் முக்கியமானது. இந்திய வரலாற்றில் ஆர்வமுள்ளவர்கள் படிக்க வேண்டிய நூல்.

அருமை!

ரசிக்க வைத்த நூல். ஏற்கெனவே இருக்கும் பயண ஆர்வத்தை இன்னும் தூண்டி, மேலும் பல இடங்களைச் சுற்றிப் பார்க்கத் தோன்றச் செய்கிறது.