கீதா இளங்கோவன் இந்திய பத்திரிகையாளரும், எழுத்தாளரும், குறும்பட-ஆவணப்பட இயக்குநருமாவார். சமூகம் மற்றும் பாலின நீதி தொடர்பான கருப்பொருள்களை மையமாகக் கொண்டு பணியாற்றி வருகிறார். 'மாதவிடாய்', 'ஜாதிகள் இருக்கேடி பாப்பா' போன்ற ஆவணப் படங்களை இயக்கி, பெண்களின் வாழ்வை ஆழமாகவும் அகலமாகவும் திரையில் கொண்டு வந்திருக்கிறார். சமூகச் செயற்பாட்டாளராகவும், முற்போக்கான பெண்ணிய சிந்தனையாளராகவும் அறியப்படும் இவர், அரசுப் பணியிலிருந்து விருப்ப ஓய்வு பெற்றபின் முழுநேரமாக எழுத்திலும் சமூக மாற்றப் பணிகளிலும் ஈடுபட்டு வருகிறார். சமூக வலைத்தளங்களில் தொடர்ந்து எழுதி வரும் இவரது கட்டுரைகள், சீர்திருத்த சிந்தனைகளை பரவலாக்குவதில் முக்கியப் பங்காற்றுகின்றன.