ஜி. நாகராஜன் (G. Nagarajan) தமிழ் எழுத்தாளர். நவீனத்துவம் தமிழுக்கு உருவாக்கியளித்த முக்கியமான கலைஞர். பாலியல் தொழிலாளர்கள், குற்றவாளிகள் ஆகியோரின் அடித்தள உலகை சித்தரிப்பவை இவருடைய எழுத்துக்கள். மனிதாபிமானநோக்கோ விமர்சனப்பார்வையோ இல்லாமல் அங்கதப்பார்வையுடன் அவ்வுலகை உருவாக்கிக் காட்டுபவை. கட்டற்ற வாழ்க்கைமுறை கொண்டவர் என்பதனாலும் ஒரு தீவிரமான ஆளுமைப்பிம்பம் இவருக்கு உள்ளது.

மதுரையில் பிறந்த இவர், கணிதம் மற்றும் ஆங்கில ஆசிரியராகப் பணியாற்றினார். மார்க்சியக் கொள்கைகளில் ஈடுபாடு கொண்ட இவர், பின்னர் அதிலிருந்து விலகி ஒரு நாடோடித்தனமான மற்றும் கட்டற்ற வாழ்க்கை முறையை மேற்கொண்டவா். இவரது எழுத்து நடை சமூகத்தின் போலித்தனங்களை உடைத்துக் காட்டும் கூர்மையான அங்கதத் தன்மையைக் கொண்டது. 'நாளை மற்றுமொரு நாளே' மற்றும் 'குறத்தி முடுக்கு' ஆகியவை இவரது புகழ்பெற்ற நாவல்கள் ஆகும். தமிழ் சிறுகதை உலகிலும் மிகக் காத்திரமான பங்களிப்பை வழங்கியுள்ள இவரது படைப்புகள் ஆங்கிலம் மற்றும் பிரெஞ்சு மொழிகளிலும் மொழிபெயர்க்கப்பட்டுள்ளன.