Reviews for அணிலாடும் முன்றில்

கூட்டுக் குடும்பங்கள் பிரிந்து தனிக் குடும்பங்களாக மாறும் சூழலில், குடும்ப உறவுகளின் சிறப்புகளை எடுத்துச் சொல்கிறார் நா.முத்துகுமார். பொருளாதார நெருக்கடிகளால் பிரிந்த குடும்பங்கள் பழைய உறவுகளுக்காக ஏங்குவதை நினைவூட்டுகிறது இந்த நூல். பலவிதமான உறவுகளையும் இணைத்து வைத்திருப்பது அன்புதான் என்பதை உணர்த்துகிறது.

தன் வாழ்வில் உறவினர்கள் வகித்த இடத்தை எழுதியிருக்கிறார். அவர்களுடைய வாழ்வில் தான் எப்படிப்பட்ட உறவாக இருந்தார் என்பதையும் எழுதியிருக்கலாம்.

தனது உறவினர்களை நினைவுகூர்ந்து, ஒவ்வொரு உறவின் முக்கியத்துவத்தையும் எடுத்துச் சொல்கிறார் ஆசிரியர். நல்ல நினைவுகளும் கவிதைகளும் நிறைந்திருக்கின்றன.

உறவுகளை ஆழமாகப் பேசும் புத்தகம். இதில் சொல்லப்படும் ஏதோ ஓர் உறவு நமக்குள்ளும் நினைவுகளை எழுப்பிக் கண்கலங்கச் செய்யும்.

நன்றாக இருக்கிறது.

பாடல் வரிகளைப் போன்ற எழுத்து. அன்பும் அமைதியும் காதலும் நிறைந்த வரிகள் கண்கலங்கவும் வைக்கின்றன.

நல்ல வாசிப்பு.

நா.முத்துகுமாரின் சொற்கள் ஆண்டுகள் கடந்தும் மனதில் நிலைத்திருக்கும் தன்மை கொண்டவை. போற்றிப் பாதுகாக்கத் தோன்றும் புத்தகம்.

மிகவும் நன்றாக இருக்கிறது.

வாழ்வில் பற்றிக்கொள்ள வேண்டிய உறவுகளைப் பற்றி, தனது அனுபவங்களைக் கொண்டு இருபது கட்டுரைகளில் பேசுகிறார் நா.முத்துகுமார்.