Reviews for அம்பேத்கர்

அம்பேத்கரைப் பற்றி அறியத் தொடங்குபவர்களுக்கான நூல்.

அம்பேத்கர் இந்து மதத்தின் சாதி அடுக்குகளை எதிர்த்ததற்கும் ஆலய நுழைவில் அக்கறை காட்டாததற்குமான காரணங்களை நூல் விளக்குகிறது. காந்தியுடனான மோதல், அரசியல் ஈடுபாடு, பௌத்த மதமாற்றம் ஆகியவற்றைப் பற்றியும் அறிய முடிகிறது. அவரது மறைவுக்குப் பிந்தைய பிளவுகளும் பேசப்படுகின்றன.

அம்பேத்கரின் வாழ்க்கையை அறியும்போது ஏற்படும் மனக்கனமே இந்த வாசிப்பில் மேலோங்குகிறது. காந்தியைப் பற்றி அறிந்துகொள்வது முக்கியம் என்றால், அம்பேத்கரைப் பற்றி அறிந்துகொள்வது இன்னும் முக்கியம் என்பதை உணர்த்துகிறது.

அம்பேத்கரின் வாழ்க்கையையும் தொடர்ந்த போராட்டங்களையும் அறிந்துகொள்ளப் போதுமான விவரங்களைத் தரும் வாழ்க்கை வரலாறு. காந்தியுடனான அரசியல் கருத்து வேறுபாடுகள் தெளிவு தருகின்றன. விடுதலைக்கு முந்தைய இந்தியா, பிரிவினை குறித்த தலைவர்களின் நிலைப்பாடுகள் பற்றியும் அறிய முடிகிறது. அம்பேத்கரின் இறுதிக்காலத்தையும் பௌத்தம் நோக்கிச் சென்றதையும் ஆசிரியர் சிறப்பாக எழுதியுள்ளார். அவரது சொந்த எழுத்துகளை மேலும் தேடிப் படிக்கத் தூண்டுகிறது.