ஆன்டி ஹீரோ நாவல்

டீசர் அவள் ஒற்றைக் கொலுசொலி கேட்டதும் ஏறிட்டுப் பார்த்தான். "நீங்கெல்லாம் யாரு? எதுக்கு என்னை இங்க கொண்டு வந்து இருக்கீங்க?" என்று விக்ரமிடம் கேட்க, அவனோ குரலை செருமிக் கொண்டு மீண்டும் லேப்டாப்பை பார்த்தவன், "ரக்ஷன் பணம் கொடுத்து தூக்க சொல்லி இருக்கான், தூக்கி இருக்கோம்." என்றான் சர்வ சாதாரணமாக. "என்ன விளையாடுறியா? நான் யாரு தெரியுமா? என் அப்பாவுக்கு தெரிஞ்சா உன் உடம்புல உயிர் இருக்காது." என்று ஒற்றை விரலை நீட்டி மிரட்டினாள். பயப்படவில்லை, மிரட்டினாள். அவளை ஏறிட்டுப் பார்த்த விக்ரம் புருவத்தை ஏற்றி இறக்க, அவள் காதருகே நெருக்கத்தில் ஒரு குரல். "என்ன பண்ணிடுவார் அற்புதா?" என்று கேட்டான் கிட்டத்தட்ட உரசிவிடும் தூரத்தில் நின்று இருந்த தாரக் ராயன். அவன் எப்போது பின்னால் வந்து நின்றான் என்று அவளுக்கே தெரியாது. விக்ரமோ பெருமூச்சுடன் மீண்டும் வேலையில் ஆழ்ந்துவிட, அந்த நெருக்கத்தினால் பதறி விலகிக் கொண்ட அற்புதா அவனை அதிர்ந்து பார்த்தாள். இடையில் ஜீன்ஸ் அணிந்து இருந்தான். ஆர்ம் கட் போட்டிருந்தான். ஆறடி உயரம் இருப்பான். அவன் விழிகளை தான் பார்த்தாள். அந்த ஹேசல் விழிகள் மட்டும் போதுமே, அவளை உறைய வைக்க. நிஜமாகவே உறைந்து போனாள். அதுவரை இருந்த தைரியத்தை அவன் விழிகள் துடைத்தெறிய, "யார் நீ?” என்று கேட்டாள். "யாரு நீங்க?" என்று திருத்தினான். "பொம்பிளைய கடத்தி வந்து இருக்க, உனக்கு என்னடா மரியாதை..." என்று முடிக்க முதல், அவனோ அவளை புன்னகையுடன் பார்த்துக் கொண்டே கையை பின்னால் கொண்டு சென்று, முதுகில் இருந்த துப்பாக்கியை சுழற்றி எடுத்தவன், அவள் வாய்க்குள்ளேயே சொருகி இருந்தான். இந்த அதிரடியை அவள் எதிர்பார்க்கவே இல்லை. பேசிக் கொண்டு இருந்தவளுக்கு மூச்செடுக்க முடியவில்லை. அவளை நோக்கி குனிந்தவன், "இங்க பாரு, உன்னை தூக்குறதுக்கு நூறு கோடி வாங்கி இருக்கேன். உன்னை ரேப் கூட பண்ண சொன்னான் அந்த ரக்ஷன். அதை பண்ணுறதும், இல்ல பாவம் பார்த்து விடுறதும் நீ நடந்துக்கிற முறைல தான் இருக்கு. இப்படி அடிக்கடி பிஸ்டலை வெளிய எடுக்க வைக்காதே, புரியுதா?" என்று சொன்னபடி அவள் விழிகளையே பார்த்தவன், "செம்ம அழகு அற்புதா நீ..." என்று மென் குரலில் சொல்ல, அவளுக்கோ பயத்தில் குப்பென்று வியர்த்ததும் அல்லாமல், கண்களும் பயத்தில் கலங்கி போயின. அவளைப் பார்த்துக் கொண்டே மெதுவாக துப்பாக்கியை வெளியே எடுத்தவனோ, "நான் சொல்றத கேட்டுட்டு இங்க இருந்தா உன்னை ராணி போல பார்த்துப்பேன். இந்த ராஜாளியோட ராணியா இருக்கலாம், இல்லன்னா உன் இஷ்டம்." என்று சொன்னான். அவளுக்கு பயத்தில் வார்த்தைகள் வர மறுத்தன. அவள் ஒன்றும் மிகவும் பயந்த பெண் எல்லாம் இல்லை. இப்படி துப்பாக்கியை வாய்க்குள் வைத்தால் எந்த பெண்ணுக்கு தான் பயம் வராது? உயிர் பயம் இருக்கும் தானே? அவன் தோற்றத்துக்கும் ஆள் பலத்துக்கும் அவனை எதிர்ப்பது பயன் இல்லை என்று புரிந்தது. "என்னை விட்ருங்க ப்ளீஸ்..." என்று கேட்டாள் தழுதழுத்த குரலில். இதழ்களைப் பிதுக்கியவன், "வாய்ப்பில்லையே..." என்றான். அவளுக்கு என்ன செய்வது என்று தெரியவே இல்லை. "என்ன தான் வேணும் உங்களுக்கு?" என்று ஆக்ரோஷமாக கேட்டவளை மையலுடன் பார்த்தவன், "நீ தான் வேணும், மொத்தமா வேணும், கொடுக்க முடியுமா?" என்று கேட்டான். சட்டென இரண்டடி பின்னால் போனவள், "மேல கையை வச்சா, அந்த துப்பாக்கியால சுட்டுட்டு நானே செத்திடுவேன்." என்றாள் ஒற்றை விரலை நீட்டி.