வெவ்வேறு மதங்களைச் சேர்ந்த த்ரிஷா, ஆதிலின் காதல் வழியாக மதப் பிளவுகளைப் பரிவுடனும் வெளிப்படையாகவும் அணுகுகிறார் சுரேஷ். பாத்திரங்கள் வெறும் கருத்துகளின் பிரதிநிதிகளாக இல்லாமல் நிஜ மனிதர்களாகத் தோன்றுகின்றன. உரையாடல்களிலும் விவரிப்பிலும் இயல்பான சமகாலத் தமிழ் கவர்கிறது. ஐதராபாத், செகந்திராபாத் நகரங்களின் வரலாற்றுக் குறிப்புகளும் இடங்களும் வாசிப்புக்குச் சுவை சேர்க்கின்றன. செறிவான வடிவமும் சீரான கதைநடையும் கொண்ட, படித்துப் பார்க்க வேண்டிய குறுநாவல்.

முதல் படைப்பு என்று தெரியாத அளவுக்குச் சுரேஷின் கதைசொல்லல் அமைந்துள்ளது. நகர விரிவாக்கத்தோடு உருவாகும் மத, கலாச்சார உரசல்களைப் பின்னணியாகக் கொண்டு காதல் கதையைச் சுவாரசியமாக நகர்த்துகிறார். பாத்திரங்களின் பின்னணியைத் தேவையான அளவோடு நிறுத்தியிருப்பதால் வேகம் குறையவில்லை. ஐதராபாத்தின் இடங்களும் வரலாறும் கதையோடு இயல்பாக இணைகின்றன; நகரத்தை அறியாதவர்களும் தடையின்றிப் பின்தொடரலாம். சமூகச் சிக்கல்கள் காதல் கதையிலிருந்து கவனத்தைச் சிதறடிக்கவில்லை.