ராஜுமுருகனின் வட்டியும் முதலும் விட்ட இடத்திலிருந்து அதிஷா தொடர்வதுபோல் இருக்கிறது இந்த நூல். அறச்சீற்றத்தை மையமாகக் கொண்ட இருபத்தைந்து சிறப்பான கட்டுரைகள் இதில் உள்ளன. வாழ்க்கையில் சந்தித்த, பெரும்பாலானவர்களிடமிருந்து தங்கள் அறநிலையால் வேறுபடும் மனிதர்களைப் பற்றி அதிஷா எழுதியிருக்கிறார்.

இயல்பான சொல்நடை அன்றாட வாழ்க்கையைப் பற்றி ஆழமாகச் சிந்திக்க வைக்கிறது. அறிவுரை கொஞ்சம் அதிகமென்றாலும் வாசிக்கத் தகுந்த நூல்.

உரிமைக்காகக் குரல் கொடுப்பது, குற்றவுணர்வு, கடந்தவற்றைக் கடந்து செல்வது எனப் பலவற்றைப் பேசும் கட்டுரைகள். அறிவுரை அதிகம்தான்; ஆனால் சுவாரசியமான சம்பவங்களும் மனதை அசைக்கும் மனிதர்களும் அதை வாசிக்க வைக்கின்றனர். ராஜுமுருகனின் வட்டியும் முதலும் போலக் கதை சொல்லும் திறன் ஆசிரியரிடம் இருக்கிறது. சம்பவங்களைச் சொல்வதோடு நிறுத்தி, அவற்றிலிருந்து என்ன கற்றுக்கொள்வது என்பதை வாசகரிடமே விட்டுவிட்டால் இன்னும் நன்றாக இருக்கும்.