வரலாற்றுத் தகவல்களும் புனைவும் கலந்த நல்ல வாசிப்பு.

தனிமனிதனின் வீரமும் வெற்றியும் அரசியல் காரணங்களால் மறைக்கப்படுவதை மையப்படுத்துகிறது கதை. எம்டன் தாக்குதல் ஏன் குறுகிய நேரத்தில் நின்றது என்ற கேள்விக்கு மருத்துவர் சிதம்பரத்தைப் பின்னணியாகக் கொண்டு புனைவுப் பதில் தரப்படுகிறது. அவரது தந்தையின் மரணத்தைச் சுற்றிய விசாரணையும் ராதாவின் தேடலும் சோழர் காலம் வரை செல்கின்றன. தனக்கான புகழைவிடக் கடமையை முக்கியமாகக் கருதும் சிதம்பரத்தின் மனநிலையும் கதையில் வெளிப்படுகிறது.

மிகவும் பிடித்த கதை. கதாபாத்திரங்களின் உணர்வுகளை ஆசிரியர் வெளிப்படுத்திய விதம் சிறப்பாக இருக்கிறது.

1914ஆம் ஆண்டின் எம்டன் குண்டுவீச்சைச் சோழர் வரலாற்றுடன் இணைத்திருப்பது தனித்துவம். மிக நல்ல கதை.

எம்டன் தாக்குதலையும் சோழர் காலத்தையும் இணைக்கும் கதை, ஏராளமான வரலாற்றுத் தகவல்களுடன் சுவாரசியமாக நகர்கிறது. காலனிய ஆட்சியாளர்கள், அவர்களிடம் பணிபுரிந்த இந்தியர்கள், சென்னை மக்களின் மனநிலைகள் செயல்களிலும் எதிர்வினைகளிலும் வெளிப்படுகின்றன. சில இடங்களில் புனைவின் வேகம் எல்லை மீறினாலும் ஆசிரியரின் குறிப்புகள் நிதானிக்க வைக்கின்றன. புனைவுப் பாத்திரங்கள் வரலாற்றைப் பின்னுக்குத் தள்ளாமல் வலுப்படுத்துகின்றன; நூலில் இடம்பெறும் ஆய்வுகளும் சான்றுகளும் நினைவில் நிற்கின்றன.