சொந்த வீடு கட்டும்போது எதிர்கொள்ளும் சிக்கல்களைப் பற்றிப் பயனுள்ள தகவல்களைத் தருகிறது.

சாம்பு கதைகளுக்குப் பிந்தைய தேவனின் படைப்புகளில் மிகச் சிறந்ததாகத் தோன்றுகிறது. வீடு கட்டும் இடத்தில் அன்றாடம் நடப்பவற்றோடு கதையை எளிதாகப் பொருத்திப் பார்க்க முடிகிறது. குறிப்பாகக் கதாநாயகனை ராஜம் கிண்டல் செய்யும் விதம் அருமை.

வீடு கட்டும்போது ஆளாளுக்கு யோசனை சொல்லிக் குழப்புவதிலிருந்து வேலை முடியும் வரை எதிர்கொள்ளும் அவஸ்தைகள் வரை கதையாக்கியிருக்கிறார். கதாநாயகனின் பெயரைக்கூட இறுதிவரை சொல்லவில்லை. ஒரு வீட்டுக்குப் பின்னால் எவ்வளவு உழைப்பும் சிரமமும் இருக்கின்றன என்பதை உணர்த்தி, அதைக் கட்டியவர்களின் முயற்சியைப் புதிய மரியாதையுடன் பார்க்க வைக்கிறது.

தேவனின் நகைச்சுவை ஆங்காங்கே தெரிந்தாலும், வீடு கட்டும் முறையைப் பக்கத்துக்குப் பக்கம் விவரிப்பது சலிப்பூட்டுகிறது. புத்தகம் எப்போது முடியும் என்று தோன்றும் அளவுக்கு அலுப்பு மேலிடுகிறது. கட்டிடப் பொறியாளர்களுக்கு ஒருவேளை இந்த விவரங்கள் சுவாரசியமான வாசிப்பாக அமையலாம்.

வீடு கட்டும் முயற்சியில் எதிர்ப்படும் சிக்கல்களையும் சிறுசிறு விவரங்களையும் சொல்லும் நூல். அந்தப் பயணத்தில் வெளிப்படும் மனித இயல்புகளையும் உணர்வுகளையும் துல்லியமாகக் காட்டுவதுதான் இதன் சிறப்பு. வீடு கட்டியவர்கள் தங்கள் அனுபவங்களோடு பொருத்திப் பார்க்க முடியும். எளிதாக வாசிக்க முடிந்தாலும், வீடு கட்டுவது எவ்வளவு கடினம் என்பதை உணர்த்துகிறது. படிக்கப் பரிந்துரைக்கத்தக்க நூல்.