உணர்வுகள் நிறைந்த கவிதைத் தொகுப்பு. பெண்ணின் பார்வையில் எழுதப்பட்ட ‘சுயம்’ குறிப்பாக மனதைத் தொடுகிறது. விருப்பமில்லாத உறவுக்குத் தன்னை ஒப்புக்கொடுக்க மறுக்கும் பெண்ணின் குரலைச் சொல்லும் அந்தக் கவிதையே இந்தப் படைப்பைப் பாராட்டப் போதுமானதாக இருக்கிறது.

ஆதிராவை மையமாகக் கொண்ட கவிதைகள் நிறைந்த தொகுப்பு. காதலியின் செயல்களைத் தாயுடன் ஒப்பிடுவதில் ஆண்களுக்குக் கிடைக்கும் நிம்மதி பெண்களுக்குக் கிடைக்கிறதா என்ற கேள்வி எழுகிறது. ஆண்களிடம் பெண்கள் கேட்க நினைக்கும் கேள்விகளை ‘அவள் கேட்டதும்’ வெளிப்படுத்துகிறது. ‘யோனி’ கவிதையோ உடலுறுப்பு என்ற எல்லையைத் தாண்டி அதைப் பற்றிய பெண்ணின் சிந்தனைகளைத் தெளிவாகச் சொல்கிறது. அருமையான வாசிப்பு.