பாரியின் கொடையுள்ளத்தின் மீது மேலும் பற்றை ஏற்படுத்தும் நூல். பாரிக்கும் கபிலருக்கும் இடையிலான நட்பும், பிரிவின் துயரமும் மனதில் ஆழமாகப் பதிகின்றன. காட்சிகளைச் சொல்லும் விதமும் உவமைகளும் குறிப்பாகக் கவர்கின்றன. பாரியைப் பற்றிப் பாடல் எழுதத் தூண்டும் அளவுக்கு அவனது ஆளுமையை நெருக்கமாக உணர வைக்கிறது.

தமிழ் இலக்கியங்களை அடிப்படையாகக் கொண்டு தமிழக வரலாற்றை அறிமுகப்படுத்தும் சிறப்பான நூல். கி.வா.ஜகன்னாதனின் எழுத்தில் பாரிவேள் போற்றத்தக்க நாயகனாகத் திகழ்கிறான்.

பாரியைப் போற்றும் பாடல்களையும் அவற்றிலுள்ள நிகழ்வுகளையும் அடிப்படையாகக் கொண்டு கி.வா.ஜ. நன்றாக எழுதியிருக்கிறார். சிறிது கற்பனை கலந்திருந்தாலும் நாடகத்தனமாக்கவில்லை. இலக்கியப் பாடல்களைச் சுட்டிக்காட்டும் இடங்கள் ரசிக்கும்படி அமைந்துள்ளன.

சங்கப் பாடல்களில் உள்ள பாரியைப் பற்றிய செய்திகளைத் தொகுத்து உரைநடையில் வழங்குகிறது. அந்தப் பாடல்களைத் தழுவி எழுதப்பட்டிருப்பதால் நூலின் நடை கடினமாக உள்ளது.