ஒவ்வொரு சிறுகதையின் கருப்பொருளையும் சங்க இலக்கியப் பாடல்களுடன் இணைத்திருக்கும் விதம் புதுமையாக இருக்கிறது. வழக்கத்திலிருந்து மாறுபட்ட, ரசிக்கத்தக்க தொகுப்பு.

தமிழ் இலக்கியங்களைக் கதைகளுக்கு அடிப்படையாகக் கொண்டிருப்பது சிறப்பு.

புரிந்துகொள்ளச் சிரமமாக இருக்கிறது.

அன்றாட வாழ்வுக்கு நெருக்கமான பதினேழு சிறுகதைகளைப் பழந்தமிழ்ப் பாடல்களோடு இணைத்திருப்பது ஆச்சரியமளிக்கிறது. குறுந்தொகை, நற்றிணை, கம்பராமாயணம் ஆகியவற்றிலிருந்து கதைகள் உருவாகியிருக்கும் விதம் சிறப்பு. நிகழ்வுகளையோ பாத்திரங்களையோ மிகைப்படுத்தாமல், எளிய நடையிலும் கதைகளின் வீரியம் குறையவில்லை. காதலுக்குக் குறுக்கே நிற்கும் சமூக வேறுபாடுகளும் நிறப்பாகுபாடும் பேசப்படுகின்றன; பல கதைகளில் பெண்கள் முன்னிலை பெறுகிறார்கள். வாய்ப்புக் கிடைத்தால் வாசிக்கலாம்.