வரலாற்றில் நடந்த வன்முறைகள் மீண்டும் நிகழாமல் இருக்க, உண்மைகளை மறக்காமல் நினைவுகூர வேண்டியதன் அவசியத்தை உணர்த்துகிறது. அனைவரும் படிக்க வேண்டிய நூல்.

நாடார் சமூகம் சந்தித்த ஒடுக்குமுறைகளை வழக்குகள், வாய்மொழி வரலாறு வழியாக நூல் எடுத்துரைக்கிறது. ஆனால் இந்துத்துவம் அந்தச் சமூகத்துக்குள் எப்படி வந்தது என்பதற்கு விளக்கமில்லை. இறுதியில் வரலாற்றைச் சுட்டிக்காட்டி அறிவுரை சொல்வதோடு நின்றுவிடுகிறது. வளர்ந்த அல்லது வளரும் சாதிகளின் போக்கைப் பற்றிய கருத்தைச் சுருக்கமாகச் சொல்லாமல், சாதிப் பெயர்களை ஐந்து பக்கங்களுக்கு அடுக்கியிருப்பதும் தேவையற்ற நீட்சி.

கட்டாயம் படிக்க வேண்டிய நூல்.

நாடார் சமூகத்தின் மறக்கப்பட்ட வரலாற்றை வெளிச்சத்துக்குக் கொண்டுவரும் தேவையான நூல். சமூகத்தின் நலனுக்கே எதிராக அமையும் போலிப் பெருமிதங்களையும் திரிக்கப்பட்ட வரலாறுகளையும் எதிர்கொள்ள, லஜபதி ராய் நீதிமன்ற ஆவணங்கள் முதல் பிரிட்டிஷ் காப்பகங்களிலுள்ள பழைய இதழ்கள் வரை தேடியிருப்பது பாராட்டுக்குரியது. மீண்டும் வரும் பகுதிகளைப் பின்னிணைப்பில் தொகுத்திருக்கலாம். எழுத்துப் பிழைகளையும் இயல்பற்ற வாக்கியங்களையும் மூன்றாம் பதிப்பிலாவது திருத்தியிருக்க வேண்டும்.