மனிதர்கள் கிராமத் தெய்வங்களாக வழிபடப்படும் நிலையை அடைந்த கதைகளின் சுவாரசியமான தொகுப்பு. சில நிகழ்வுகளும் சாபங்களும் மக்களைப் பலி கொடுத்து ஆவிகளைச் சாந்தப்படுத்த வைப்பதையும், பின்னர் அவையே வழிபாட்டுக்குரிய தெய்வங்களாக மாறுவதையும் இக்கதைகள் சொல்கின்றன.

தென் தமிழகத்தையும் கேரள எல்லைப் பகுதிகளையும் சேர்ந்த மக்களின் பண்பாட்டு, வரலாற்றுப் பதிவாக இத்தொகுப்பை வாசிக்கலாம். சாதிய வன்மம், குழந்தை வேண்டுதல், பழிவாங்குதல் போன்றவை கதைகளில் வருகின்றன. கதைகளும் மனிதர்களும் மனதில் நிற்காதபோதும், அவற்றின் களம் ஒரு சித்திரத்தை உருவாக்குகிறது. நாட்டுப்புறப் பாடல்களை உரைநடையாக்கிய சொல்லலில் வறட்சி தெரிகிறது. இருந்தாலும் ஒருமுறை படிக்க வேண்டிய நூல்.

தென் தமிழகத்திலும் கேரள எல்லைப் பகுதிகளிலும் வழிபடப்படும் சிறுதெய்வங்களின் கதைகளை அ. கா. பெருமாள் தொகுத்துள்ளார். அம்மானை வடிவிலிருந்தவை எளிய உரைநடையாக மாறியுள்ளன. குழந்தை வேண்டுதல், பழிவாங்குதல், சாதிய வன்மம் போன்றவற்றைச் சுற்றிய இக்கதைகள் பண்பாட்டு வரலாற்றையும் சமூகச் சிக்கல்களின் பின்னணியையும் அறிய உதவுகின்றன. சிறுதெய்வக் கதைகளில் ஆர்வமுள்ளவர்கள் படிக்க வேண்டிய நூல்.

அம்மானை வடிவிலிருந்த நாட்டார் கதைகளைப் பேச்சுவழக்கில் சொல்லும் பதினைந்து கதைகளின் தொகுப்பு. அன்றைய மனிதர்கள் எவ்வாறு தெய்வங்களாக வழிபடப்படும் நிலையை அடைந்தார்கள் என்பதை எடுத்துரைக்கிறது. நல்ல வாசிப்பு.

இந்தப் பதினைந்து கதைகளிலும் குழந்தையின்மையும் வரம் பெற்றுக் குழந்தை பிறப்பதும் பொதுவாக வருகின்றன. தொடர்ந்து நிகழும் அறமீறல்கள், அநீதிகள் வழியாக இறந்தவர்கள் தெய்வங்களாக வழிபடப்படும் பின்னணியைச் சொல்கின்றன. கொடை, பலி, கோவில் என விரியும் அந்த வழிபாட்டு மரபுகள் வழியே குலதெய்வங்களும் சிறுதெய்வங்களும் தோன்றிய கதைகளுக்கு ஒரு சிறிய அறிமுகம் கிடைக்கிறது.