நல்ல நாவல்.

நெய்தல் நில மனிதர்களின் வாழ்வை உயிரோட்டத்துடன் சித்தரிக்கிறது நாவல். காலத்தில் முன்னும் பின்னுமாக நகரும் கதை, மாந்தர்களின் உணர்வுகளை நெருக்கமாக உணரச் செய்கிறது. காதல், பாசம், வஞ்சம் உள்ளிட்ட உணர்வுகளை ஆழமாக வெளிப்படுத்தும் எழுத்து சிறப்பு. கடல் கடந்தும் தொடரும் நட்பும் பிறரைக் காப்பதற்கான அர்ப்பணிப்பும் மனதில் நிற்கின்றன.

தூத்துக்குடியையும் மணமேல்குடியையும் களமாகக் கொண்டு, ஒரே காலத்தில் வாழும் இரு வெவ்வேறு குடும்பங்களின் வாழ்க்கையை முன்னும் பின்னுமாக நகர்த்திச் சொல்கிறது நாவல். வரலாற்று நிகழ்வுகளின் வழியே கதையின் காலத்தை உணர்த்தும் விதம் நேர்த்தியானது. ஊடறுப்பைப் போலவே இதிலும் வேல்முருகன் இளங்கோவின் கற்பனை வளமும் சொல்லாடலும் சிறப்பாக அமைந்துள்ளன. மனதைக் கவரும் படைப்பு.