Reviews for குழந்தைகள் நிறைந்த வீடு
8 reviews total
Mohammed Ibrahimali
★ 4/5 Jun 30, 2026ஹைக்கூவின் வடிவத்தையும் வரலாற்றையும் புரிந்துகொள்ள முன்னுரை உதவுகிறது. முதல் இரு வரிகள் உருவாக்கும் காட்சியை மூன்றாவது வரி வேறொரு கோணத்தில் காட்டுவது அழகான அனுபவம். அன்றாட நிகழ்வுகள், மனிதர்கள், சுற்றியுள்ள பொருட்களிலிருந்து உருவாகும் இக்கவிதைகளை வாசிப்பின்பத்திற்காகவே படிக்கலாம். நா. முத்துக்குமாரின் பிற படைப்புகளையும் தேடத் தூண்டும் தொகுப்பு.
Muthu Vijayan
★ 5/5 Jun 30, 2026பேரானந்தம் தரும் வாசிப்பு.
Manoprasanth V
★ 5/5 Jun 30, 2026என்றும் மனதுக்கு நெருக்கமான நூல்.
Aruna Arriane
★ 5/5 Jun 30, 2026நினைவுகளின் தொகுப்பாகத் தோன்றும் இந்த ஹைக்கூக்கள் வியப்பையும் சிந்தனையையும் தூண்டுகின்றன. ஒவ்வொரு கவிதையையும் ஒரு குழந்தையாகக் கருதியே ‘குழந்தைகள் நிறைந்த வீடு’ என்று பெயரிட்டிருப்பாரோ என எண்ண வைக்கிறது.
Vignesh Balachandran
★ 5/5 Jun 30, 2026அன்றாட வாழ்வின் சிறு விஷயங்களைக் கூர்ந்து ரசிக்கும் பார்வை இந்த ஹைக்கூக்களில் தெரிகிறது. எளிமையும் அழகும் நையாண்டியும் சேர்ந்த கவிதைகள் இவை. ஏழெட்டு சொற்களில் சொல்லிவிட்டுப் போனாலும், வாசித்த பிறகு அவற்றைப் பற்றி நீண்ட நேரம் யோசிக்க வைக்கின்றன.
Subasreenee Muthupandi
★ 3/5 Jun 30, 2026நா. முத்துக்குமாரின் ஹைக்கூக்களில், இயற்கையை ரசிப்பதற்கும் குப்பைகளைக் கடக்க வேண்டிய நிலை பதிவாகிறது. வழிபாட்டுச் சூழலிலும் குடிப்பழக்கம் இருப்பதைச் சுட்டும் காட்சிகள் இடம்பெறுகின்றன.
Anitha Ponraj
★ 5/5 Jun 30, 2026மூன்று வரிகளிலேயே ரசிக்கவும் சிந்திக்கவும் சிலிர்க்கவும் வைக்கும் ஹைக்கூக்கள். அவசரத்தில் கவனிக்கத் தவறும் இயற்கை, அன்றாட வாழ்வின் சிறிய காட்சிகள், கிராமத்துச் சூழல் ஆகியவை நா. முத்துக்குமாரின் கூர்ந்த கவனிப்பில் கவிதைகளாகின்றன. சுற்றுச்சூழலில் குப்பைகள் நிறைந்திருப்பது போன்ற சமூக அவலங்களும் பதிவாகின்றன. யதார்த்தமும் ரசனையும் சேர்ந்த அழகான கவிதைத் தொகுப்பு.
Sanjeev Duglas
★ 5/5 Jun 30, 2026ஹைக்கூ கவிதைகளுக்கு அறிமுகமாக அமைந்த நா. முத்துக்குமாரின் நூல்.